[almthor]

ينجرح قلب.. لكن ترتفـع هامـه =والله اني لاموت ولاانحني راسـي
لو رماني زمانـي وسط..دوامـه =العواصف شديده .. والجبل راسي
أنقل الحزن وامشي منتصب قامـه=قاسي الوقت .. لكني بعـد قاسـي
واسمع الحلم يصرخ لحظه اعدامه=رابط الجاش ... ماهز الخبر باسي
عزتي غاليه ..والنـاس سوامـه =قلت ماابيع حتى تقطـع انفاسـي
زانت ايام عمري .. شانت ايامـه=مارجيت العزى من رحمة الناسـي
من عجز لايدوس الهـم باقدامـه=لازم انـه مـع الايـام ينداسـي
يندمل جرح قلبٍ ..ماتت احلامـه=بس ما اظن يبرى جرح الاحساسي
يوم صارت مابين القلب والهامـه=وش ابي بالحياة الياانحنى راسـي

الموضوع الأصلي: قصيده لمساعد الرشيدي | | الكاتب: almthor | | المصدر: شبكة بني عبس

[عبدالله العرعري]

almthor الله يعطيك العافيه على هالقصيدة والزعيـــم يبقى زعيم وابووو فيصل غني عن التعريف وتقبل مروووري

[عبدالله عوجان]

رائعه من روائع الزعيم
لاهنت

[العالم الفلكي]

صح السان الزعيم ومشكور على النقل

[العووضي]

هذا الشاعر قليله بحقه كلمة زعيم اشكرك علي اختيارك وحسن ذوقك

[عاشق الاتي]

واللـــه كلمة شاعر قليلــــــه بحقــــه مدررسه شعرريه ابوو فيصل اللـــــه يطوول بعمــــرره