[ابورغد المضيبري]

اليكم هذه الابيات المتواضعة اللتي قلتها يوم دق علي واحد يعني راعي مصلحة وقال وينك دقيت اطمئن عليك وقلت الله يعطيك العافية اخلص اكيد تبي شي قال ابي تشوف موضوعي كذا وكذا وقلت لك سنه ماتصلت واليوم تقول اطمئن عليك قال المهم خزن رقمي عندك ولاتنسى تتصل علي

وقلت ابيات مختصرة

احدن اخزن هاتفه واتصل فــــــــــــــيه == واحدً ليا خزنت رقمه نســــــيته
واحدن احذف اسمه من السجل والغيه == يضيق صدري بالسجل لا لقيته
وحدن احب اسمه ورقمة وطــــــــــارية == اللي يقدرني ليا من نصــــــــــيته
واحدن احبه بس ماودي اطــــــــــــــريه== اخشى تقول اعداي بأني هويــــته
وحدن لونه غاب مازلت اراجــــــــــــــيه== يبعد يقرب بين الاضلاع بــــــيته
واحــــــــدن اخلي حاجتي ثم ابــــــــديه== وحس بالتقصير مهما عطــــيته

وتقبلو تحيات ابو رغـــــــد المظيبري

الموضوع الأصلي: ابيات كتبتها في مناسبة (((((احدٍ اخزن هاتفه واتصل | | الكاتب: ابورغد المضيبري | | المصدر: شبكة بني عبس

[االعدهي الرشيدي]

صح لسانك
تحياتي

[عبدالله العرعري]

ابورغد صح الله لسانك وفعلاً اليوم نشاهد الكثير من الاصحاب ولاكن للأسف اصحاب وقت الحاجات والمصالح فقط واذا طلبته وقت الشده تخلى عنك
ولا نقوول كل الاصحاب بالعكس بل فيه اصحاب يكونون بجانبك وقت الشدات شرواك وشروا اخواني لاهنت على هالقصيدة التي تحمل الكثير من الحكم والدروووس مشكووور وتقبل مروووري

[ابورغد المضيبري]

اشكر تواجدكم وردكم الرائع الاخ العدهي والاخ عبدالله واقول للاخ عبدالله الله يعطيك العافية على هالرد الذي اعتبره وسام شرف ولو تلاحض ترا بينت كل مكانت صديق على حده لان فيه اصدقاء

ذكرتهم في البيت التالي ::::::::::
وحدن احب اسمه ورقمة وطــــــــــارية == اللي يقدرني ليا من نصــــــــــيته

[سالم الرشيدي]

صح السانك يابو رغد وبيض الله وجهك

على الجزله

وعزالله انكـ صادق ياكثر اهل المصالح

[سالم المظيبري]

صـــــــــــــــح لــسانـــــك ابو رغـــــد الله يعطيك العافيه وسمحلــــــي على نقل توقيعك الي توقيعي وتقبل مروري

[العووضي]

صح لسانك قصيده رائعه

[ابورغد المضيبري]

اقتباس من مشاركة سالم المظيبري صـــــــــــــــح لــسانـــــك ابو رغـــــد الله يعطيك العافيه وسمحلــــــي على نقل توقيعك الي توقيعي وتقبل مروري

اشكر كل من شارك او حتى من قراء موضوعي واقول للاخ سالم تمون ماعندك الا حلالك