[منصور بن صبح]

هاذي بدايات

البارحه عيني جفاها المناما=سبت هواجيسً عليه تراما
قامت توجهبي على كل وجهه=حيان غرب ونوب شرقي وشاما
ياالله تثبتني وتجبر صوابي=صوابي الي في صميم العظاما
صواب وقتً زاد جوره عليه=الي فتني بين خوف وسلاما
نوبً يضحكني ونوبً يبكي=ونوبً يوردني لعد النداما
ماله وجه واحد له وجيه عده=معاد يعرف له طريق ونظاما
شباعً حصانيته جياعً سباعه=عز الائيم وذل بعض الكراما
ياكم مثلي شاف منه العزاير=لو يضحكك ليله بيبكيك عاما
شيً مقدر مالنا فيه حكمه=حكمته عند الله منش الغماما
ولو انتكلم مالنا به درايه=مير اتوجد دام ماهو حراما

الموضوع الأصلي: البارحه عيني جفاها المناما | | الكاتب: منصور بن صبح | | المصدر: شبكة بني عبس

[رعبوبة]

ماشالله الله عليك تبارك الله...
أعجبتني القصيدة للأمانـــه,, صح لسانك أخـــوي وبداية موفقــه

[مرزوق العجوني]

صح لسانك ولا هنت على الرائعه وتقبل مروري

[برق الوسم]

صح لسانك ياشاعرنا
مبدع محاوره ونظم
قصيده رائعه من شاعر رائع
ننتظر جديدك وتقبل مروري

[منصور بن صبح]

مرزوق العجوني
برق الوسم
رعبوبه

مشكورين على المرور

[بدر حيي]

صح لسانك ولا هنت على الرائعه وتقبل مروري

[كاتب الرشيدي]

بيض الله وجهك
على هالرائعة

وصح لسانك

[عبدالله المظهور]

صح لسانك ياابن صبح
وعسى الله يعطيك العافيه
جزله من شاعر جزل
مااااااااقصرت

تقبل تحياتي وتقديري