[الماجدالذيابي]

هذي قصيذه لشاعر :عاذل الذيابي احب ان تقرونها

اعوذ بالله من حضور
الشياطين
وبسم الله ابدأ وانخزى كل
شيطان
للغدر درب .. وللوفاء ناس
وافين
وللطيب في صدور الرجاجيل
نيشان
حنا هل الفزعات .. واهل
الميادين
فزعاتنا يشهد لها كل
ميدان
حنا ترى سادات عبس
القديمين
سطر لنا التاريخ في المجد
عنوان
حــنــا رجــال الــعــز .. حــنــا السلاطين
حنا الذرى.. والا انت غادي و
غلطان
حنا ذراك اليا جفوك
الموالين
وحــنــا مــعــازيــبــك عــلــى مــر
الازمان
لاصحت .. جينا لك رجال(ن)
وفيين
تقودنا النخوه صغار(ن)
وشيبان
من عزنا .. قدره على الرأس والعيــن
ومن لايقدر عزنا غصب ينهان
والا انت وامثالك ضعوف ومساكــيــن
ومثلك يعقب بين الاجواد
فنجان
خساره انك من رجال
عزيزين
وخساره انك تنتمي للـ .....!!
ولولا احترامي للرجــال الحشــيمــين
واخاف من شرهة بني عم واخوان
لعلمك درب السنع ويــن ؟ ومــنــيــن
وانزلك فــي ســاحــة الــذل حــقــران
لاشك قدري عزني عنك
ياشين
والا انت قدرك ياسود الوجه مابان
يكفيني اني رحت بالــشــين والــزيــن
واسمي يشرفني مع فلان وفلان
اقفيت عنك ووجهتي للدواوين
يم الرجال اللي لهم بالوفاء شأن
اهل العلوم الطيبه والكريمين
لاجيت يشرح خاطري كل ديوان
اردى رجل فيهم يعادل ملاايين
مثلك .. ولا لك مع هل العز ميزان
واظنهم عن مدح مثلي غنيين
في مدحهم تزهى القوافي والاوزان
تمت وعندي للسوالف براهين
والهرج ماينفع على غير برهان

الموضوع الأصلي: اعوذبالله من حضور الشياطين | | الكاتب: الماجدالذيابي | | المصدر: شبكة بني عبس

[مريف الرشيدي]

صـــــــــــح الله الســـــــــــــــان الشاعر / عـــــــــاذل الذيابــــــــــــــي
وتسلـــــــــــــــــــــــــــم علــــــــــى النقـــــــــــــــــــــــــل

[الماجدالذيابي]

مشكور علي المرور ويعطيك العافيه

[ابو سامي]

مشكور على القصيده ولا هنت

[الماجدالذيابي]

الله لايهينك يابو سامي