[الذيابي33]

تدري وش اللي يجرح القلب جرحين..؟؟

ويمد حبـل الحـزن فيـك ويشـدهـ

انك تناظر طفل مـن غيـر ابويـن

يمشي ودمعـة سايـل فـوق خـدهـ

منظر صعيب ويقسم القلـب قسميـن

لا قـام يمسـح دمعـه بكـف يـدهـ

يمشي ولا يدري طريقة علـى ويـن

لين التعب من كثـر مـا تـاه هـدهـ

اثقل حـروف يشيلهـا فيـه حرفيـن

لا أب يـدريـبـه ولا أم تـــردهـ

في خطوته رحلـة ودمعـة وسكيـن

وحـظ توسـد بالمراسـي مـخـدهـ

جيت اسألـهـ بالله قللـي ولـد ميـن

وبغي يجاوب واختنـق صـوت ردهـ

أنـا يتيـم ومـا لدربـي عنـاويـن

وجزر الحزن فينـي يسـاوي لمـدهـ

وطعم الطفولة ما عرفته لهـا اللحيـن

وثوب السعادة صـرت مانيـب قـدهـ

ابكي إلى من شفت غيـري سعيديـن

ليـن البكـا فينـي يوصـل لحـدهـ

واقفي ورحت امسح دموعي من العين

وعيني تناظـر دمعتـه فـوق خـدهـ

وهذا اللي يجـرح القلـب جرحيـن

ويمد حبل الحـزن غصـب ويشـدهـ



مع تحيات الذيابي

الموضوع الأصلي: تدري وش الي يجرح القلب جرحين | | الكاتب: الذيابي33 | | المصدر: شبكة بني عبس

[الذيابي33]

ويش راااااايكم

[محمد الراشد]

قصيدة جميله جدا
وموضوعها حساس
والله يبيض وجهك على الوصف الرائع
والله يرحمنا اجمعين
تحياتي

[برق الوسم]

اقتباس من مشاركة الذيابي33 ويش راااااايكم

صح لسانك قصيده رائعه
لاهنت يالذيابي تقبل مروري

[مرزوق العجوني]

صح لسانك اخوي وتقبل مروري

[محمد الجريشي]

الله الله

لله درك من مبدع نعم ابداع منقطع النظير
حلقت بنا في سماء الابداع واستطعت تجلعنا نعيش هذا الموقف الحزين
والله هزت شعوري
هكذا يكون الابداع والا فلا

تقبل مروري واعجابي

اخوك :

محمد ربيعان الجريشي

[مناورالعويمري]

صح لسانك قصيده رائعه