[المغرم اليائس]

احبتي رواد الابداع اضع بينكم هذه المتواضعة التي آمل من الله ان تنال اعجابكم00

احبك كلمة صعبه ويعجز عنها التفسير=تأكد مستحيل انك ولا غيرك يداريها
لو افسر معانيها وادونها لك بتقرير=تتوه بهامش حروف الغرام ولاانت قاريها
كلام اكبر من شعورك ولو تقراه بالتكبير=ترى يصعب على عقلك بيتقبل معانيها
كلام اغمض من الواقع كلام كلام ابلغ من التصوير=كلام يترجم النبضه ويحسسك بخوافيها
كلام اخجل من البسمه كلام اقسى من التشهير=كلام يجلب الذكرى على النفس ويشقيها
كلام يفوق تفكيرك ولاتفهمه بالتعبير=كلام اصعب من الفرقاء ولايقارن ابد فيها
كلام اصعب من دموع الموادع لابدا التسطير=على الخدين وانكشفت حروف (ن) كان مخفيها
حبيبي قلت انا احبك ولاحسيت بالتقدير=عرفت بوقتها انك حقير ولاانت راعيها
كسرته خاطري خلي ولا ينفع به التجبير=جرحته في صميم الذات بعد ماكنت مغليها
اسرت الحب في قلبي ولافكرت بالتحرير=تسيد هجرك وظلمك على روحي وامانيها
هويتك وانشغل بالي ولاتبعد عن التفكير=ولفيت عيونك وظني اخيم في اراضيها
سريت الليل من شانك وسخرت الهوى تسخير=امني عيني بشوفك ولاظنيت تبكيها
خسرت انسان من شانك على درب الضياع يسير=تشده صورتك يم الدروب القشر يمشيها
سراه الليل في ذكرك ولا فكر وش اللي يصير=طوى دروب الظلام بشمعة الذكرى يضويها
حبيبي بعت من حبك بلا ذنب وبلا تقصير=جعلتك حلم في عيني ولاظنيت تعميها
حبيبي عفتك وربي ولا تسأل عن التبرير=دمحت ذنوبك ويكفي على نفسي تغاضيها
وقلب كنت ممتلكه نوى يرحل بلا تأخير=عزم يهدي لك الفرقاء وتتعذب بصاليها
وحمام الحب في قلبك مصيره ينتحب ويطير=يدور له على قلوب غزير الحب كاسيها
وقصر فيك شيدته نويت ادمره تدمير=نويت امسح من الليله بطولاته وماضيها
انا بادوس تمثالك الى ماينتهي تكسير=واباخذ ثار نفس كنت بالماضي توطيها
من اول كنت لي شمعة على درب الظلام تنير=وابهديك الفراق اليوم يخمدها ويطفيها
حبستك داخل عيوني ودمعي لاابد مايحير=وبكيتك دمعه لحالك بعد ماخنت جفنيها
ابحصد شوك بصدري زرعته في زمان مرير=وابقطف لك من اثماره جروح اليوم تجنيها
حبيبي اذكر الماضي ولاينتابك التعكير=تحسف عد مايطري على بالك لياليها
تراها طابت جروحي ولاتحتاج للتخدير=بعكس جروحك اللي مالقت من هو يداويها
وانا باقول لك حاجة ترى عقلك يظل صغير=تموت وكلمة احبك ترى تجهل معانيها

شعر/المغرم اليائس00

محمد بن حميد بن محمد الذيابي الرشيدي0

الموضوع الأصلي: حبـــبيبي طابت جروحي؟؟ | | الكاتب: المغرم اليائس | | المصدر: شبكة بني عبس

[عبدالعزيز الخياري]

صح لسانك ،،،

[ابوصالح]

صح السانك وعتلا شانك

شكراً لك اخي الكريم

:p:p :p :p :p :p :p:p

[بندر الذيابي]

ياسلام كم هي رائعه هذه القصيده

وكم اشتاق اليها

صح لسااااااااااااااااااانك اخوي محمد


الف شكر لك علي نقلها


تحياتي


اخوك


بندر

[فيصل الرشيدي]

الله الله عليك



صح لسانك ولا هنت اخوي محمد

[المغرم اليائس]

عبد العزيز الخياري,,,,,,

مرورك هو الجميل00

دمت بالف عافية00

[صادق الوعد]

	>>>>>> المغرم اليائس >>>>>>>> احساس ملىء بالشجن والحنين ولغة فاتنه يفوح منها عطر الجمال الله درك صح لسانك ولا هنت اخوي محمد تقبل _______ تحياتي

[الهنوف]

صح لسااانك اخوي والله يعطيك العافية على القصيدة الرائعة ....

تمنياتي لك بالتوفيق
اختك الهنوف