[محمد الجريشي]

اخواني واخواتي اعضاء شبكة عبس يطيب ان اضع بين ايديكم هذه المتواضعه ورجو ان تحوز على شيء من رضاكم

الناس وش فيهم يسبون هالجيل=جيل التقدم والسعد والحضاره
كلن يقول الجيل مابه رياجيل=كلن يقول الجيل هذا خساره
مارضى على جيلي دعايه واقاويل=واليا رضيت ابها تراها عياره
شيابنا ياناس قاسين بالحيل=ماكن في شبان الامه نماره
وفي كل وقت ودار نلقى حلاحيل=والوقت مانقدر نغير مساره
الوقت لابده على العدل والميل=ولابد في تال الزمان استداره
والنعم تشمل طيبين المفاعيل=شيابنا اهل الطيب واهل والوقاره
نعمٍ بهم ركابة الهجن والخيل=يوم ان كلٍ دون ربعه وداره
دلالهم تلقى بها بنٍ وهيل=والضيف ماجوبه كبير الفقاره
وحنا شباب اليوم غيث المقاليل=بالعلم صرنا فوق عرش الصداره
بالعلم سدنا وانتهى مظلم الليل=زاح الجهل والعلم شعشع نهاره
حنا عرفنا مطلع الجدي وسهيل=ومافيه كوكب ماعرفنا مداره
منا شبابٍ رتل الحق ترتيل=اصواتهم تصدع بعال المناره
منا دكاترة الدواء والتحاليل=ومنا دروع الدار عن كل غاره
وزوداً على هذا حفظنا المعاميل=الكيف مانسوقه قليلٍ بهاره
ولانكر وجود مضيقين البناطيل=اللي يحسبون التغنج حضاره
ولانكر وجود التايهين المهابيل=اللي يحسبون الرجوله زقاره
الله يهديم عن الزيف والميل=والله يجنبنا شلاهيب ناره

وتقبلوا تحياتي اخوكم :
محمد ربيعان الجريشي

الموضوع الأصلي: جيل التقدم | | الكاتب: محمد الجريشي | | المصدر: شبكة بني عبس

[هاني العرعري]

الله عليك ابداع في قمه الروعه
شاعر بمعنى الكلمه قصيده رائعه وفي قمه الجمال
راااائعه كروعت حضورك دائماً مبدع

وتقبل مروري وتحياتي

[محمد الراشد]

اشكرك على القصيدة الجميله


واشكرك على الغيره اتجاه جيلك

[مرزوق العجوني]

صح لسانك اخوي وتقبل مروري وتقديري

[أمـ الشوق ـير]

الله عليك
أبداع في قمة الروعه
شاعر بمعنى الكلمه قصيده رائعه وفي قمه الجزاله
راااائعه كا روعت حضورك و دائماً مبدع

وتقبل مروري

[محمد الجريشي]

اقتباس من مشاركة الشاطي المهجور الله عليك ابداع في قمه الروعه شاعر بمعنى الكلمه قصيده رائعه وفي قمه الجمال راااائعه كروعت حضورك دائماً مبدع وتقبل مروري وتحياتي

سلمت يالشاطئ المهجور والله لايهينك
مشكور ع المرور

[الرشـ بنت ـايده]

صح منطوقك اخوي محمد

على هذه القصيدة الروووعة ,,,

والنعم في شبابنا في كل جيل ,,,

تقبل مروري وردي ,,,

[ابو سامي]

صح لسانك اخوي وتقبل مروري وتقديري