[هداج]

{¤((( ~ .مرثيــــــــــــــــــه. ~ )))¤}

يا الله ياخلاق سبع السمـــــــــــــوات=في ستة ايام معدوده بناهـــــــــــا
ياخالق ومرسي جبال الســـــــــروات=يامكون الدنيا وبمره فناهـــــــــــا
تغفر لنا بذنوبنا والخطيـــــــــــــــات=هذا طلب نفسي وهذا مناهـــــــــــا
يقولها اللي شاف بالوقت ميــــــلات=وقته كشف له كل بير وغطاهــــــــا
قام يتذكر بالسنين القديمــــــــــات=وذكر عليه اللي يشرف نباهــــــــــــا
ذكر عليه شايب له سجــــــــــــلات=سيرة نبي الله وشرعه مشاهـــــــــــا
ختم كتاب الله وتفسيرالآيـــــــــــات=قدوة إسلام ومسلمين اقتداهـــــــــا
صالح بن مضيان راع الطويــــــــلات=شريعة الله والرسول اهتداهـــــــــــا
لعل له فلخلد مسكن وثمــــــــــــرات=في جاه خلاق العشي مع ضحاهــــا
والثاني اللي مامشى بالنميمـــــــات=ماحش بعروض الرجال وقفاهـــــــــا
وصاه جدي واحتفظ بالوصيــــــــات=طاعة وليه قامها ماعصاهــــــــــــــا
عمي خنيفر مانسيناه بالــــــــــــذات=يالله عسى ذنوبه تخفف جزاهــــــا
لعلهم وسط الجنان النعيمـــــــــــــات=هاك الشيوخ اللي يذري ذراهـــــــا
اللي لهم في ماكر العز وقفـــــــــات=أقفوا عن الدنيا وباقي غثاهـــــــا
واللي بقى عسى سنينه طويـــــلات=أبوي كان الدلو خانت رشاهـــــــــا
وانا لبويه بالسنين العسيــــــــــرات=عزه وسيفه واللحى من إقراهـــــــا
لي مع اهل العرف وقفه وهومـــات=ماني من اللي باعها ماشراهـــــــــا
والعز عز النفس ماهي حيــــــــلات=يوم بعض الناس تقصر ألحاهـــــــــــا
أخذت لي مع عالم الفكر جـــــولات=وفعلآ صحيح لكل عله دواهــــــــــا
وختمتها في ذكر من يحي الامـوات=مكون الدنيا وبمره فناهــــــــــــــا

الشاعــــــــر///

ناصر بن صويان بن صالح الشويلعي

الموضوع الأصلي: قصيده مرثيه لشاعر ناصر صويان | | الكاتب: هداج | | المصدر: شبكة بني عبس

[مبارك الشويلع]

مرثيه جزله

ورحم الله صالح بن مضيان وخنيفر

بواسع رحمته

اللهم امين

جزله من راس جزل

صح لسان شاعرهاا

ولاهان ناقلهااا


باارك الله فيك ... يالغالي

:p

ننتظر جديدك

وتقبل فااااااااااااائق احترامي وتقديري

[*العبسي*]

يقولها اللـي شـاف بالوقـت ميـلات
وقتـه كشـف لـه كـل بـيـر وغطـاهـا


صح ألسانك أخوي هداج و السان ناصر بن صويان

[أنكسارحلم]

الاخ هداج اشكرك جزيل الشكر على اهتمامك
في قصائدي وهذا من طيب اصلك يابو سعود
وهذه المرثية لها تقريباً خمسة عشر سنه
تغمد الله الذين قيلت بهم هذه المرثية بواسع رحمته واسكنهم فسيح جناته.
إنه سميع عليم .

تحياتي
0

0

[أبو نوح]

الله يرحمهم ويتغمدهم بواسع رحمته

الله يرحم أموات المسلمين عامة

مشكور ياهداج على هذا النقل

وصح لسان الشاعر ناصر على هذه المرثية

[ابواثنين]

الله يرحمهم ويتغمدهم بواسع رحمته

الله يرحم أموات المسلمين عامة

مشكور ياهداج على هذا النقل

وصح لسان الشاعر ناصر على هذه المرثية

[غازي البراك]

الله يرحمهم ويجعل قبروهم رياض من رياض جنة الفردوس صح السان ابو خالد ولاهنت على النقل

[هداج]

اقتباس من مشاركة ابوعبدالله مرثيه جزله ورحم الله صالح بن مضيان وخنيفر بواسع رحمته اللهم امين جزله من راس جزل صح لسان شاعرهاا ولاهان ناقلهااا باارك الله فيك ... يالغالي :p ننتظر جديدك وتقبل فااااااااااااائق احترامي وتقديري

لالالاهنت


اسعدني مرورك