[كهل الصباء]

إلى كل من يتصفح هذا الموضوع؟
السلام عليكم ورحمة الله وبركاته
أسعد الله أيامكم بالمسرات...

معذرةً...لم أجد من الكلمات ما يليق بالتقديم لهذا الإعتراف!

الطيب ميراثي من العم والخال=واللي كتبه الله على بنادم يصيب
ومن ما لقاء بين أهل العز منزال؟=يصير لأهل العز حامل مكاتيب
يا متعبٍ نفسك ورى طول الآمال=لا تحسب الهقوات بالنفس ما تخيب
خذ مني العبرة قبل ترثي الحال=قدام لا تشره عليك الأصاحيب
نقيت هقواتي وأنا أشوفها جزال=وهزلت من الطيب وخفت إني أخيب
ضاقت وساندني من الناس رجال=وأقفى قبل رد الثناء وطاري الطيب
أقبل قبل يدعى...وقفى عقب نال=تاجٍ على رأسه يحشمه عن العيب
وزليت من جالٍ تحت رجلي إنهال=ولقيته لكفي يمد المقاضيب
في حزةٍ مأحدٍ خطر لي على البال=ألا كسير البأس...واليأس...والريب
لو صد ما لحقه من اللوم مثقال=لكن على ما قيل:راعي مواجيب
يحجم عن الهين ويقدم للأهوال=وقبل الطلب ترهي يديه المطاليب
بالطيب يحييني وأنا بالردى أغتال!=مأخذت من شخصه دروس وتجاريب
أنساني الشيطان يوم المدى طال=نعم العضيد بمعسرات الشلاهيب
بان الردى مني على ذرب الأفعال=وطعنت بكفوفي عطيب المضاريب
يوم إن حظي طاح والمعتدل مال=بانت لي الخلة وشفت الذواريب
يحطني عقب الردى الواضح عقال!=وأنا من الكبوة لأودي ولا اجيب!
يا ماكر النوماس...يا طيب الفأل=عليك شمس الطيب تشرق ولا تغيب
ليتك لبست عقال وألبستني شال=عز الله إني شايفٍ شقت الجيب
عز الله إنك للمهمات شيال=وإني ما شلت ألا الردى والعذاريب
العذر زل وكلمة الحق تنقال=حسبت نفسي من حساب الخراعيب
أقولها ولا يحجب الشمس غربال=ذبحتني بالطيب...يا كاسب الطيب.

بصمة/كهل الصباء

الموضوع الأصلي: العذر زل وكلمة الحق تنقال=حسبت نفسي من حساب الخراعيب! | | الكاتب: كهل الصباء | | المصدر: شبكة بني عبس

[الشاامخ]

عليكم السلام ورحمة الله وبركاته

صح لسانك كهل الصباء أبداع

لكن البيت الأخير فيه لا يحجب الشمس غربال .. هذا مقوله متكرره لو بيَنت ذلك .. كان أفضل..

تلك وجهة نظري ..


وشكرأأأأأأ

[برق الوسم]

وعليكم السلام ورحمة الله وبركاته
يـا ماكـر النوماس...يـا طـيـب الـفـأل

عليك شمس الطيب تشـرق ولا تغيـب

صح لسانك كهل الصباء لااستطيع ان اقول الا ابداع في ابداع
تقبل مروري واحترامي وتقديري اسمح لي بتثبيت القصيده

[بعيدالمصابيح]

صح لسانك ويعطيك الف عافيه

[محمد الجريشي]

صح لسانك ياكهل الصبا

قصيدة رائعه

[بعيدالمصابيح]

صح لسانك ويعطيك الف عافيه

[نواف معلا]

صح لسانك وطيب ميجيب الاطيب

[مرزوق العجوني]

صح لسانك ياستاذنا مهما كتبت ومهما قلت لن اوفيك حقك انا اشهد انك كفو وتقبل مروري وتقديري