[شـــوق]

لاتعتذر مال الهجر منك تبرير
صدك بليا ذنب والله ظليمه

ماصارلي بعدك يفوق اي تصوير
" تجددت كل الجروح القديمه

بعدك لعبي هاجسي والتفاكير
وقلب (ن)جريح وروح صب(ن)مهيمه

ماغير اسلي خاطري بالمشاوير
اروح وارجع والهواجس مقيمه

ياحبي اللي بين بيض الغنادير
لك في عروش القلب قدر وقيمه

ان كان صدك ماخذك عني لغير
روّح ولو ان الخساير وخيمه

وان كانها عني خذتك المقادير
فالعفو عند المقدره فيه شيمه

يامرحبا والحب كله معاذير
تشفع لك ايام الغرام القديمه

يوم الهوى لازارني منك أعصير
أضم في صدري من اجلك نسيمه

واليوم اصبر خاطر الوجد تصبير
واقول صدك عقب وصلك جريمه

ولاجاك مني ياهوى البال تقصير
مواقفي وياك والله عظيمه

صخرت لك مشاعر الشوق تصخير
وامطرتك بحب تقفاه ديمه

وظللتك بجفني وصارت مسافير
يوم الغلا بين النديم ونديمه

واليوم ماتنفع كثير المحاذير
تفاغمت بين النفوس الحشيمه

عسى سنينك روض عشب ونواوير
محد لنفسه يرتضي بالهزيمه

اما تخاويني على الشر والخير
والا السلامه منك راس الغيمه

القصيــده ربابه

الموضوع الأصلي: لا تعتذر مال للهجــر منك تبرير ..! | | الكاتب: شـــوق | | المصدر: شبكة بني عبس

[نايف ابن عليثه]

ويــآحلات القصيدهـ

وصح لسـآن شـآعرهـآ

ودمــتي بــود

[هاني العرعري]

تسلم يمينك

[منصور غنيمان]

الله يعطيك العافيه وتسلم يمينك

[شـــوق]

تسلمووون على تواجدكم ..
نورتوا ..

[سعد بن عادي]

لاتعتذر مال الهجر منك تبرير
صدك بليا ذنب والله ظليمه

الله الله على الابيات الرائع والجميله ..

شكرا لك شوق على هذا التميز والنقل الرائع

استمتعنا حقيقه با النص .

ودمتم كما تحبون

[نجم عبسي]

شكراً خيوووه شوق على شعر الجميل

[انا وياك يا زمن]

يعطيك العافيه وصح لسانك