[نهر الأحزان]

هذه قصيده لشاعر المليون محمد بن ساقان القحطاني

اقول شاعر المليون لأني اثق تمام الثقه باأنه جديرٍ به

أما ان حصل العكس فعلى الشعر واللجنه والجمهور السلام

قصيده لايكتبها سوى شاعر حقيقي في زمن كثر فيه

المهرجين والقصيده تتكلم عن حال الشعر وما حدث له

من بعض المهرجين الذين لايملكون سوى تصفيف الكلام

فهنيئاً للشعر باأبن ساقان

عذراً الابيات الاولى لاتحضرني

........................................................... = على بنت الخيال اللي كساها الشعر جلبابه
تزبرق بالمرايا الخمس لامن كحّل العشــّيق=عيون أوراقه بميلٍ مابين إبهم وسبّابه
أبي ترسم على وجه السطور بريشة الذوّيق=تزحلاق الندى في وجه منسابه ومرتابه
وابيك تزين أوراقي من مروج الزهر والشيق=مثل ماحمرة آخر هالنهار تزين غيابه
وابي تغسل عيونك من نعاس العسعسه وتفيق=على صوتٍ يهدهد بلبل الخفــّاق زريابه
وانا ابحلب سحاب الشعر واصبه بفمّك ريق=إلين أشوف ثغرك من حلاته يقطر لعابه
وابزوّد حلاه اشوي وازله مع الأبريق=مخدّر شاعرٍ تلقيمته من أصبع أتعابه
وابغلق هالعيون برشفته واقرى ورى التغليق=حروف أعمى مشخمطها بعرجونٍ تقدّابه
عشان أركز على جدار الصور مسمار للتعليق=لصورة فكر شاعر ماوقف فكره على بابه
وكثر ماني مركّز قمت أحس أني من التحديق=كأني جفن في طرف الورق ماحرّك أهدابه
أحاول أقنص احرار الصور في زحمة التحليق=عشان أنفي من طيور الشعر هدهده وغرابه
وابطهّر معاني دنـّست من عاهر التلفيق=مادام (النهر) يطهر من محيط المدح والقابه
كفايه سربل المعنى يده من طهبل التصفيق=على اركاك الكلام اللي يغث السمع يايابه
وبعد من طمّ هالمعنى خضع واستفحل التنطيق=كأنه قال تحته هيه أنا سيفه وأنا حرابه
وانا عمّ الوزن والقاف لكن صنعة التبريق=تجي (بالواو) والأسطاء شويعر كشـّر أنيابه
لذا بشخل حروف الشعر يامستشعره وأريق=حثالة شاعرٍ لامن تغنـّى عجعج ترابه
تعبت أهدّي أعصاب القلم وأفش بالترويق=مزاجيّة شعورٍ لو هدى ماهديت أعصابه

شاعر المليون محمد القحطاني

الموضوع الأصلي: شـــــاعر المليـــــون | | الكاتب: نهر الأحزان | | المصدر: شبكة بني عبس

[*العبسي*]

تسلم أخوي على هذا الطرح الرائع

وفعلا قصيدة القحطاني رائعه

[العماري]

قصيدة جميلة لشاعر ابدع


ولكل انسان وجهة نظر وهناك من يستحق المليون غيرة

ولربما احتجنا لكذا مليون كي نوفي

بعض الشعراء المشاركين حقهم

[بشير العايضي]

راااااااااااااائعه

[مهاجر بلا زاد]

صح للسانك وصح للسان من قالها

[نهر الأحزان]

اقتباس من مشاركة *العبسي* تسلم أخوي على هذا الطرح الرائع وفعلا قصيدة القحطاني رائعه

العبسى اشكرك

[نهر الأحزان]

العماري
العايضي
مهاجر بلا زاد

شكرا لكم

[مسندالعويمري]

صح للسانك وصح للسان من قالها