[(*العرعري*)]

هذي المحاورة بين الشاعرين جزاء العرعري الرشيدي وفلاح صياف السحيمي وهي بزواج أخوي عام 1426 ه وهي بالمدينه المنورة والمحاورة موجوده لدي فيديو وأبشرو راح انزلها صوتيه وكان موجود الشاعر دحيم الخياري وراشد السحيمي والآن أهديكم هالمحاورة كتابيه وأنشالله راح أنزلها صوتيه وفيديو

( جزاء العرعري الرشيدي)
مرحبا في من حضرحفلة كريم(ن) السبالي
من هواجيس الشاعر اللي رفعين مستواها
وأتشرف وأبرك الساعات وأسعدها ليالي
والعلوم الطيبه لابدها تاخذ سراها

(فلاح صياف)
والبقى باللي يرحب بالبعيد وبالموالي
والتراحيب أنتهت لكن هات اللي وراها
والبروق تلوح مابين اليمن ولا الشمالي
والبيوت مشيده والخير يدفي ذراها

(جزاء العرعري الرشيدي)
ماعليكم زود والدنيا نزول(ن)وارتحالي
من يقدم نص كفه للعرب ياخذها ملاها
قالوا ان اللي يخيل البرق من عيال الحلالي
مير ياجعل المخايل تسقي العطشان ماها

(فلاح صياف)
شد حيلك وأجتهد دام الجواب من السؤالي
الليالي من يذوق أمرارها يلقى حلاها
ميرأنت لامن فريق النصر ولا الهلالي
لاتضيع مذهب الكورة ويطفي مستواها

(جزاء العرعري الرشيدي)
نشتري ونبيع وسط السوق مير السوق غالي
مير خالي الجيب لوشاف الجواهر ماشراها

وتقبلوا تحياتي وأنتظر والمزيد

الموضوع الأصلي: محاورة الشاعر جزاء العرعري وفلاح صياف السحيمي | | الكاتب: (*العرعري*) | | المصدر: شبكة بني عبس

[ابو بيان]

مشكور وبيض الله وجهك وجزاء العرعري شاعر له مستقبل بارز ان شاء الله وفقك الله وفق الله الشاعر فلاح صياف وتقبل تحياتي اخوك ابو بيان

[ابو براك الرياض]

مشكور وبيض الله وجهك

[(*العرعري*)]

أبوبيان وأبوبراك الله يعطيكم العافيه ومشكورين عالمرور وأنتظروا المزيد

[سعد الشقل]

صح اللسان جزاء وفلاح

ونبي من محاورات جزاء وخاصه الجديده مع مستور الي باللحن مدري الثمد ../

[فهد العرعري]

الف شكر على المحاورة وجزاء شاعر له مستقبل مشرف ان شاء الله