[عبدالله المظهور]

اعزائي واخواني المشرفين والأعضاء والزوار
السلام عليكم ورحمة الله وبركاته
كما تعلمون بقصيدتي التي بعنوان ( غـزه .. ااااه .. ياغــزه ) التي نشرتها بمنتدانا الغالي
قبل مده ، تضامناً مع الأحداث المأساويه التي تحصل لأخواننا المسلمين في غزه.
القصيده المذكوره ارسلها احد الزملاء عن طريق الغلط الى الشاعر المعروف/ عبدالله بن سعد الروقي العتيبي
حيث حصل غلط في الرقم ، ومن باب الصدفه صار الرقم للشاعر/ عبدالله الروقي
فقام الشاعر/ عبدالله مشكوراً بالرد على القصيده ، وأرسل الرد على الرقم الذي جاءته منه القصيده وهو رقم هذا الزميل العزيز .
بأخبرني هذا الزميل بالرد وتشرفت به .. وقمت بالرد له بقصيده اخرى .
اتشرف بأن انشر لكم رد العتيبي .. وردي عليه .



الشاعر / عبدالله الروقي ..... قال :

يامرحبا ترحيب صافي امنزه=باللي بيوته جاتنا مستذيره
من شاعر(ن) بالقلب شي(ن) يحزه=عجزان عن قطع الخطوط الغزيره
ياشاعر(ن) بعض العرب تستفزه=شعرك تلحق قايدين المسيره
تبا حصانك فالمسابق تلزه=وحوستها يامال حوس المريره
قدم التواتيف الهدف لاترزه=وتروح لرمات النشاما نحيره
القدس عانه والقنابل تهزه=أفزع انكان انك تجر الجريره
حنا بحكمن جعل ربي يعزه=وحسادنا في كل دارن كثيره
ننعم ابخير وفي بلاد المعزه=والقدس راح أسباب لعبة دشيره
كلن على الآخر رفيقه يوزه=وطماعتن بين الخشير وخشيره
وانته عن الغلطات ليتك تنزه=لاتجرح المسلم ولاتستثيره
والحر مايشبه بالأفعال وزه=ولاكل طيرن يعجبك في مطيره
ومن مات منهم يابيض الوجه عزه=واطلب من الله الهدى والستيره

انا .. رديت عليه .. حيث قلــــت :

فيك البقاء ، والك الغلاء ، والمعزه = انته رئيس الشعر ، مدري مديره
واكبر دليل بيوتك المستعزه = الشامخات ، العاليات ، الكبيره
جتني وزادتني تشرف وعزه = وهي بصراحه بالاشاده جديره
سيف العتب وشبك بوجهي تهزه ؟ = افهم كلامي وامش معه بمسيره
وانا لو اقدر كان صبحت غزه = لاشك انا بالديره المستنيره
الي استنارت باالمليك المنزه = راضي بحكمه مارتضي حكم غيره
تاجن على راسي عسى الله يعزه = خيره شملني ، كثر الله خيره
لكن قصيدي جاه شي(ن) يهزه = احساس مسلم به احميا وغيره
شفت القتل مسموح في كل حزه = الابرياء تقتل بعز الظهيره
نساء واطفال ابرياء مستفزه = قتلى صورهم في قناة الجزيره
الابرياء الغافلين الأعزه = وشو دخلهم بالدشير ودشيره ؟
بالله هل نفسك ماهي مشمئزه ؟ = وقلي ياكيف اتنام عينك قريره ؟
الراس طال ولازم انا نجزه = والعلم عند اهل السيوف الشهيره
آل السعود املوكنا المستعزه = هم ذخرنا بالاوله والاخيره
والدرب واضح ، لازم انا نقزه = والشعب يتبع مايقوله اميره
هذا جوابي عبر الأقمار اكزه=للشاعر الي مااعرف باي ديره

وسلامتكم جميعاااااااااااااااااااا

الموضوع الأصلي: انا .. والعتيبي .. وغزه | | الكاتب: عبدالله المظهور | | المصدر: شبكة بني عبس

[أبو نوح]

مشكور عبد الله المظهور

على القصيدة وفحواها

[برق الوسم]

صوت وصدى وصوت ولا اروع
قصايد تقراء اكثر من مره
صح لسان الشاعر/ عبدالله الروقي
صح السان الشاعر/عبدالله المظهور
تقبلوا مروري

[@مروَض الشرَد@]

الله الله
صـح الله لسانك ولسان الروقي وتقبل تحيـاتي

[سعيد عيد الرشيدي]

صح لسانك اخوي عبدالله المظهور
وصح لسان عبدالله العتيبي
على هذه المجاراه المتميزه
وشهادتي فيك مجروحه اخوي عبدالله المظهور
دمت مبدعاً
تحياتي وتقديري

[مرزوق العجوني]

صح لسانك يابو محمد ولا هنت وصح لسان الشاعر عبدالله الروقي وتقبل مروري

[الوافي99]

صوت وصدى وصوت ولا اروع
قصايد تقراء اكثر من مره
صح لسان الشاعر/ عبدالله الروقي
صح السان الشاعر/عبدالله المظهور
تقبلوا مروري

[عبدالله المظهور]

ابو نوح

الله يوفقك وشكرا لك على هالمرور الجميل

تقبل تحياتي وتقديري .