[العالم الفلكي]

بسم الله الرحمن الرحيم

السلام عليكم ورحمة الله وبركاته

هذه المحاورة بين الشاعر اخو حمده والشاعر يعقوب العبسي


اخو حمده

ابتدا الطاروق والله على خلقه رقيب=العلوم الثانيه مقبله في فالها
اخر الايام مافيه بالدنيا غريب=كلها متساوي اقفايها وقبالها

يعقوب

ابتداالطاروق والله على خلقه حسيب=والعلوم الطيبه طاب رجلن قالها
لاتعجب وانت مابين شك وبين ريب=وانتبه تنشد عن اهل الوفا واحوالها

اخو حمده

العب العب وعرف الذيب في وسط القليب=كل حسنه يارشيدي بعشر امثالها
انت يامكبر علومك توقع هيب هيب=لاتوهق والمشاكل قريب اشكالها

يعقوب

لالعبنا ياخوحمده عسافالك يطيب=والاذاعه لادخلنا فتحناارسالها
الحقيقه شمسها في سماها ماتغيب=روح دورلك شواعير حالك حالها

اخوحمده

ماخبر شعار بالسيف تلطم للحريب=غير نواف العوازم رحل عزالها
انت لو تدري عن اللي معك تصبح مشيب=مار دور للخفيفه وخل اثقالها

يعقوب

العوازم ياخوحمده لهم حظ ونصيب=يشهد التاريح يالمنتهى لفعالها
مامعي غير اشهبن فيه ضني مايخيب=وكل دلة هيل اباسوقلك فنجالها

اخو حمده

منهم اللي عندكم باخر الايام ذيب=يحتميها قول والخيل من خيالها
انت مالك عندنا غير نسقيك الحليب=والجمل شقران مسيوق ضمن اجمالها

يعقوب

الحقيقه طيبه حيل والا الكذب عيب=ياخو حمده ليه تجهل فعول رجالها
انت عودن منقطع ماتودي ماتجيب=كان عندك طيبه هاتها بريالها

اخو حمده

مقتنع كيفت راسي عن البن السريب=قهوتك ياصاحبي خلها بدلالها
الذهيبه يابيض الوجه يلهاها الذهيب=وانت طيب قلب لو هي تجي تشتالها

يعقوب

ياخو حمده لا تخسرنى واخذنى لك نسيب =وخذمهر حمده بيوت البدو واموالها
انت من راس الجبل ليه تنزل لشعيب=راقب الله والفضيحه تجنب جالها

اخوحمده

اسف اسف بيت مكسور لاتذهب ذهيب=لاتنزل لحيتك غير في منزالها
حمده اتوصي لاخوها لايقربها خطيب=قلت امانه عندنا منقص مكيالها

يعقوب العبسي

انت ياللى من صلاة العصر جالك نحيب=شوف لك شجره طويله ونم بظلالها
مانبا حمده وقربك جروحن ما تطيب=مير علمنى عن احفادها وعيا لها

وسلامتكم وصحت السنتكم ياشعار

الموضوع الأصلي: محاورة بين اخو حمده ويعقوب العبسي | | الكاتب: العالم الفلكي | | المصدر: شبكة بني عبس

[موسى بن سيار]

الآخ العالم الفلكي


بيض الله وجهك علي هذا التنسيق الرائع لي هذه المحاوره الممتعه والمثره


تقبل فائق احترامي وتقديري

[العالم الفلكي]

اقتباس من مشاركة موسى بن سيار الآخ العالم الفلكي بيض الله وجهك علي هذا التنسيق الرائع لي هذه المحاوره الممتعه والمثره تقبل فائق احترامي وتقديري

وجهك ابيض يابن سيار

مشكور على المرور والتعليق

[الشبح]

شكرا على التنسيق وصح اللسان الشعار

[العالم الفلكي]

اقتباس من مشاركة الشبح شكرا على التنسيق وصح اللسان الشعار

وانت مشكور على المرور والتعليق

[سالم الحصم]

العب العب وعرف الذيب في وسط القليب
كل حسنـه يارشيـدي بعشـر امثالهـا



صح لسان الشعاار

وشكرا على التنسيق الطيب

[العالم الفلكي]

اقتباس من مشاركة سالم الحصم العب العب وعرف الذيب في وسط القليب كل حسنـه يارشيـدي بعشـر امثالهـا صح لسان الشعاار وشكرا على التنسيق الطيب

وانت مشكور على المرور والتعليق