[عيسى العرعري]

السلام عليكم ورحمة الله

الصوت واضح ؟؟

كان المثل يقول ( الصحه تاج على رؤوس الاصحاء .. لايعرف قيمته الا المريض)

وبعد دخول القطاع الاهلي الصحي الى حياتنا بكل قوة

صار المثل يقول ( الصحه تاج على رؤوس الاطباء .. لايدفع قيمته الا المريض )

صارت المستشفيات الخاصه شوي ويحطون جهاز تنبيه على بابه يدق اذا طلعت وانت بمخباك علاج ماحاسبت عليه

صار الطبيب من تدخل عيادته تشوف اوراق تحليل الدم وتخطيط القلب والعلب القزاز اللي تصير اغلى من ابواكنا وحنا نمشي فيها في ردهات المستشفى .. نشوف الواحد يشيل البوك بيده ومخباته منتفخه مع الجنب

راجعت قبل فتره طبيب العيون اشتكي من حساسية بالعين اليسرى .. ودايم وهي حمرا .. لدرجة صرت اقطع الشارع من غير ماناظر يمين ويسار

دخلت على الطبيب ... وأول ماجلست وتجي الممرضه الفلبينيه وتعطيني صورة من قصاصة جريدة سعودية ..

ناظرت هالورقه الا هي لقاء صحفي مع الطبيب اللي اتعالج عنده يسولف فيها عن عملية الليزك وان نسبة نجاحها تفوق نسبة نجاح ( وائل محمد دمنهوري - سعودي الجنسيه - مدارس الوطن الاهلية )

الا الطبيب يقول لي : شكلك مستمتع بالقرايه .. نخليك شوي .. ماحنا مستعجلين

قلت له : لا يادكتور مستعجل وابيك تعالجني سفري

قمت وكشفت .. والدكتور حسيته مقهور لاني ماسالته عن تكاليف العمليه .. وقروشني بسرعه وعطاني كم قطره .. ومابقى الا يفتح لي الباب ويقول لي وانا طالع (لا اله الا الله ) وارد عليه ( محمد رسول الله ) ..

احد الزملاء حكي لي موقف اخر .. ويقول

رحت لمستشفى اهلي اعاني من اضطراب القولون .. دفعت قيمة فتح الملف والكشف .. وانتظرت بالاستقبال ,,, وكنت حاط في بالي اني باقعد ساعتين بالقليل لين ادخل على الطبيب .. يقول ماصدقت يوم ربع ساعه وينادوني .. قلت اكيد بيقيسون الحرارة والضغط ثمن انتقل الى المرحلة الثانيه من العلاج ..
يقول مادريت الا انا قدام الطبيب ..

- ايوه ياخالد شو عندك سلامات؟؟

- ربي يسلمك يادكتور بس احس بانتفاخ بالبطن وباصوات غازات بالبطن والم يروح ويجي ولفيت اكثر من مستشفى من غير حل .. وقلت اعرض نفسي عليك يادكتور يمكن القى حل

- لا حبيب قلبي سلامات ماتشوف شر ..

فحص بطن الرجال شوي .. ورجع بعدها لمكتبه وطلع دستة اوراق تحاليل وقال يالله ( ابتدا المشوار)

يقول صاحبنا .. مابقى شي بجسمي ماحللته يومها .. تحليل دم وملحقاتها ( تم تشفيره للغير متعشين

) افرازات المعده .. تحليل للبنكرياس .. تحليل الكبد.. اشعه صوتيه .. خفت يقول لي بنحلل هرموناتك الوراثية وياليت بكره تجيب ولي امرك وولية امرك

وبالاخير .. طلعت نتايج التحليل كلها بنفس الوقت .. ورجعت للطبيب .. الا بعيونه علامة دولار

وقال لي ( الف الف مبروك انت الحمد لله صحتك طيبه ومافيك اي شي هذا بس قولون عادي كل الناس عندها قولون من ضغوط الحياه والتلوث الضوضائي اللي بنعاني كلنا منه .. انا وهو انا معي قولون مثلك ومالقيت له الا مهدئات .. خذ هالمهدئات وربي يكتب لك فيها الصحه والعافيه ) .. والنتيجه النهائية( - 1400 ريال سعودي لاغير)

- الى متى هذا الاستغلال لحاجة المواطن الى توفر العلاج المناسب والسريع بعيدا عن زحمة المستفيات الحكوميه

- هل المستشفى الاهلي يتعامل معي ومعك كزبون والا كمريض ؟؟؟

- هل هناك دور ممكن لوزارة الصحة لوقف هذا النزف المادي ووضع حد لحالة الاستغفال اللي نعيشها؟؟

فاصل بسيط

دعابه دعابه

( على طاري المستشفيات .. مره كنت واقف قدام الصيدليه انتظر دوري .. وواقف جنبي شايب .. يوم نادى الصيدلي ( وفاء عبدالله ) رد الشايب ( نعععععم )

)

تحياتي لكم

الموضوع الأصلي: عـــدم طـــرق البـــاب .. يوجد مـــريـــض بـــالداخل | | الكاتب: عيسى العرعري | | المصدر: شبكة بني عبس

[مجرووح2000]

يسلموووووووووووووووووووووووووو ع القصة

[عيسى العرعري]

اقتباس من مشاركة مجرووح2000 يسلموووووووووووووووووووووووووو ع القصة

اي قصــه و الي يرحم والدينك
هذا الي صار لي

// على العمووم مشكور على مرورم ويعطيك العافيه
تقبل تحياتي