[رشيد]

يا صاحبي ماني براعي مهاداه

اما ارضني والا اجفني واستخيري

ولا تعال وما طلبناك عطناه

ولا تروح وجعل دربك سفيري

من شق شق يا أريش العين يرفاه

وانت الذي شقيت خافي ضميري

تضحك وانا صملان قلبي مطواه

تقولي لين الفلك يستديري

ماني بمن يطرد سراب بمضماه

شاف السراب ويحسبنه غديري

عيني على شوف الولايف مخباه

جزوع لاجاه الجفا من عشيري

ما يستوي حب بليا مراضاه

بيني وبينك يالغضي ما يصيري



للشاعر الكبير // صقر النصافي

الموضوع الأصلي: [[ ياصـاحـبـي ]] | | الكاتب: رشيد | | المصدر: شبكة بني عبس

[سمو الروح]

مايحتاج شاعر بقامة صقر النصافي شاعر الجزيرة
غفر الله له بإذنه
من أروع ماقيل في الغزل
شعره دائما يتسم بالحكمة
ولايغيب عن بالي ذلك البيت
ياعلي لاجيت العرب لاتجي ديش ++ خبل ٍ الياجاب السوالف سردها
احفظ لسانك لايجي فيه تبطيش ++ تصبح عيونك كايدات رمدها

صح الله لسان الشاعر وغفر له بإذنه
وسلم يدناقلها

[برق الوسم]

رحم الله شاعرها
واطال الله بعمر ناقلها

[رشيد]

اقتباس من مشاركة سمو الروح مايحتاج شاعر بقامة صقر النصافي شاعر الجزيرة غفر الله له بإذنه من أروع ماقيل في الغزل شعره دائما يتسم بالحكمة ولايغيب عن بالي ذلك البيت ياعلي لاجيت العرب لاتجي ديش ++ خبل ٍ الياجاب السوالف سردها احفظ لسانك لايجي فيه تبطيش ++ تصبح عيونك كايدات رمدها صح الله لسان الشاعر وغفر له بإذنه وسلم يدناقلها

اظافه منك ياسمو الروح

سلمك الله وعافاك

ورحم الله الشاعر وغفر له

[ابو سامي]

رحم الله شاعرها
واطال الله بعمر ناقلها

[رشيد]

رحم الله شاعرها وغفر لنا وله


شاكر لكم احبتي

[منصور غنيمان]

رحم الله شاعرها
واطال الله بعمر ناقلها