[سعدعايض]

بديت باسم الله علام الاسرار=اللي فرض على الجميع احترامه
اللي خلقنا من عدم والعدم صار=مابين كاف ونون واثبت نظامه
علام مابلكون من سر واجهار =يحي ويميت ولايتغير كلامه
ومن بعدها سر ياقلم واكتب اشعار = عبر عن اصحاب الوفاء والكـرامه
اللي لهم بالفعل والطيب تذكار=مثل الجبال النايفات بتهامه
واخص في ماقول وافين الاشبار=ربعي لهم عز(ن)عسا الله دامه
ربعن لهم تاريخ معروف وأخبار=سمح المحيا للرشيدي علامه
مشيت من جده قبل فج الاسحار=مسافر ومشتاق ربعه وعمامه
للديار عبس ونعم في ساكن الدار = اهل الكرم والمرجلة والشهامة
حرة بني رشيد هي حـرة النـار=روابيض وابيْض والظهر مع خطامه
دارن سقاها تالي الليل الامطار=حتى اجتمع نوارها والخزامه
لحضور حفل(ن) فيه للهجن معبار=الله يوفق من امر به واقامه
ومن حضره ومن دعمه زاده انوار=وجميع منكم ماتجيه الملامه
ودكتور عبدالله سعد مكرم الجار=على الوفاء والطيب بصمة ابهامه
ورجل(ن) عطى قبيلته دمه الحار=عطى قبائل عبس كل اهتمامه
يابن سعد ياحر يانسل الاحرار=تستاهل البيضاء وتاخذ وسامه
الله يحفظك من صواديف الاقدار=ويكتب لك الحسنات في كل عامه
وصلاة ربي عد من هلل وزار=على رسول(ن) خصنا في سلامه

الشاعر / سعد عائض العويمري الرشيدي

الموضوع الأصلي: قصيده اهداء الى الدكتورعبدالله سعدالعويمري بمناسبة حفل العوامره | | الكاتب: سعدعايض | | المصدر: شبكة بني عبس

[سعدعايض]

بالنسبة للبيت الرابع

ومن بعدها سر ياقلم واكتب اشعار ## عبر عن اصحاب الوفاء والكـرامه

ارجو من المشرفين تعديل من الكرام الى الكرامه

بالنسبة للبيت العاشر

حرة بني رشيد هي حـرة النـا#####روابيض وابيْض والظهر مع خطامه

ارجو من المشرفين تعدل كلمة في الى هي نظرا للخطاء المطبعي

تقبلوا تحياتي

الشاعر سعد عائض العويمري

[برق الوسم]

يستاهل الدكتور/ عبدالله سعدالرشيدي
صح لسان الشاعر / سعد عائض العويمري الرشيدي
قصيده وافيه وجزله من شاعر لايكتب الا جزل
تسلم يمينك يابو احلام على نقلها لنا
تقبل تحياتي ومروري

[الشاامخ]

يستاهل الدكتور/ عبدالله سعدالرشيدي
صح لسان الشاعر / سعد عائض العويمري الرشيدي

[ابوفهد العويمري]

يستاهل الدكتور/ عبدالله سعدالرشيدي
صح لسان الشاعر / سعد عائض العويمري الرشيدي
قصيده وافيه وجزله من شاعر لايكتب الا جزل
تسلم يمينك يابو احلام على نقلها لنا
تقبل تحياتي ومروري

[سعيد عيد الرشيدي]

ابو احلام
صح لسانك على هذه القصيده الجزله من شاعر جزل
ويستاهل الدكتور عبدالله سعد الرشيدي
تقبل مروري وتحياتي

[ابو سامي]

يستاهل الدكتور/ عبدالله سعدالرشيدي
صح لسان الشاعر / سعد عائض العويمري الرشيدي

[عادل العويمري]

اقتباس من مشاركة ابواحلام بالنسبة للبيت الرابع ومن بعدها سر ياقلم واكتب اشعار ## عبر عن اصحاب الوفاء والكـرامه ارجو من المشرفين تعديل من الكرام الى الكرامه بالنسبة للبيت العاشر حرة بني رشيد هي حـرة النـا#####روابيض وابيْض والظهر مع خطامه ارجو من المشرفين تعدل كلمة في الى هي نظرا للخطاء المطبعي تقبلوا تحياتي الشاعر سعد عائض العويمري

تم التعديل أخي الكريم

وصح لسانك وبيض الله وجهك

ويستاهل الدكتور : عبدالله بن سعد العويمري كل خير