[العقاد]

اقتباس,, من مشاركة العمده


اخواني بني رشيد عبس اضع بين يديكم هذه القصيده الموجهه لسبع الضاري ارجو ان تحوز على رضاالجميع

سلام ياسبع الخلا سـو الاضعـان

سلامٍ احلا مـن حليـب المغاتيـر

وحلا من الماء لالمس كبد عطشان

في لاهبٍ جوه سمـوم ومعاصيـر

ومن بعد هذا زان تنضيم الالحـان

بالمفردات اللي تشـوق الشواعـر

احساس شاعر صاغ قوله ابرهـان

نضمه ليا من عد يفرق عن الغيـر

ماجابهن سلفه من فـلان وفـلان

بنـات فكـره واردات ومصاديـر

اقولهـا ماهـو تكبـر وحـقـران

مثلي كثار ولاعـلا الكـل تقصيـر

وعنزتهن للي كما السيف شامـان

ساس الرجال الطيبيـن المشاهيـر

اللي نظم شعره كما سهيـل لابـان

ايصور المعنى بالامثـال تصويـر

بالنضـم و لايادخـل كـل ميـدان

قطفه من الاثنيـن مثـل النواويـر

واليوم بحت السـد مافيـه كتمـان

وكتم الهموم يفجر الصـدر تفجيـر

الله مـن همـن لفانـي مسـيـان

يكفخ بصدري مثل مايكفخ الطيـر

وكل السبب باللي خذة جرد الازمان

جرد السنين تقصر العمر تقصيـر

وعندي خبر ماراح ياطير حـوران

ماعاد يرجع لو نسـوق الدنانيـر

لكن نظمنـا المثايـل علـى شـان

ناخذ ونعطي مع وجيهـن مسافيـر

الاوله بانت ولـي مطلبـن ثـان

الاسم كامـل ياصبـي المخاسيـر

برسالةٍ تقطـع صحـاري وديـان

عبر الاثير وسركـم داخـل البيـر

انا على عرفـك شفوقـن ولهـان

خل الرموز المبهمـات المعاسيـر

عطني جوابٍ فيه للاسـم عنـوان

اسم الاهل يوم انت في مهدك صغير

ونكان مالبا الطلـب ذرب الايمـان

وقفـت مرسالـي وكـل المداويـر

وحولتها في مابعد لبـن عطـوان

ريف الضيوف ومن لفوله مساييـر

النـا بموقعنـا جماعـه وصدقـان

من بينهـم شفنـا معـزه وتقديـر

وسلم رعاك اللي خلق كـل ماكـان

وعسى الخواتم لانتهت خاتمة خيـر

ناصر خنيفر

تم تثبيتها لجزالة القصيده حتى يتم اطلاعكم عليها وهي موجوده بالمنتدى الشعر الشعبي
شكراً

الموضوع الأصلي: قصيده جديده جزله للعمده موجهها للسبع الضاري | | الكاتب: العقاد | | المصدر: شبكة بني عبس

[العالم الفلكي]

صح السانك يالعمده قصيده جزله من رجالٍ جزل
ويستاهل السبع الضاري وعساه يجيبلك العلم هههههه

مشكور مشرفنا الغالي العقاد على التنسيق والتثبيت

[JljJjJl]

وكتم الهموم يفجر الصـدر تفجيـر


وكتم الهموم يفجر الصـدر تفجيـر


وكتم الهموم يفجر الصـدر تفجيـر


وكتم الهموم يفجر الصـدر تفجيـر



ابيض وجه يابن خنيفر

[ناصر خنيفر]

العقاد ماقول الا جزاك الله خير على الجهد الذي تقوم فيه وكثر الله امثالك يالزميل الغالي

[العقاد]

اقتباس من مشاركة العالم الفلكي صح السانك يالعمده قصيده جزله من رجالٍ جزل ويستاهل السبع الضاري وعساه يجيبلك العلم هههههه مشكور مشرفنا الغالي العقاد على التنسيق والتثبيت

العالم الفلكي متابعه منك تستحق التقدير شكراً على المرور

[العقاد]

اقتباس من مشاركة JljJjJl وكتم الهموم يفجر الصـدر تفجيـر وكتم الهموم يفجر الصـدر تفجيـر وكتم الهموم يفجر الصـدر تفجيـر وكتم الهموم يفجر الصـدر تفجيـر ابيض وجه يابن خنيفر

الزلزال شاعروناقد ومرور موفق شكراً

[العقاد]

اقتباس من مشاركة ناصر خنيفر العقاد ماقول الا جزاك الله خير على الجهد الذي تقوم فيه وكثر الله امثالك يالزميل الغالي

مرحبا اخوي الشاعر الكبير ناصرخنيفر واشكرك على هذي القصيده القويه والهادفه وعلى المرور وننتظر السبع الضاري

[برق الوسم]

صح لسانك يالعمده ولاهنت يالعقاد
وننتظر رد السبع الضاري