[رشيد]

واهني من تاب يا عبيد عن طرد الهوى

* الطريق اللي عجزنا لا ناصل منتهاه

مع حبيب شلّني شلّ ملعون الثوى

* تلّ قلبي تلّ بيديه يا عبيد وخذاه

وانقضى صبر المولّع بحبه وإنطوى

* طوية اللي كل هم بهالدنيا طواه

وارتضى العزلة لحالة وحيدٍ وإنزوى

* سبّة اللي يسبي عقول من يلمح بهاه

بعد طول فراقه المرّ.. قاسيت النوى

* لين شفت بعيني اليوم وش يعني غلاه

يعني إني ورد يانع ومن بعده.. ذوى

* ويعني إنّه نبع صافي وأنا ضامي لماه

ويعني إنه طبّ جرحي وجرحي والدوى

* ويعني إنه سادن الحسن ما حي معاه

ويعني إنّه طلّة البدر لا منّه ضوى

* ويعني إنه دفتر العشق بشفاة الرواه


اسم القصيده وقائلها :
" سادن الحسن "

للشاعر // بندر بن نواف الرشيدي



رابط القصيده منشوره في جريدة الجزيره
http://www.al-jazirah.com/119933/tr8d.htm

الموضوع الأصلي: سادن الـحـســن | | الكاتب: رشيد | | المصدر: شبكة بني عبس

[العريض]

الله الله

لله درّك

بندر بن نواف

اخي رشيد نقلك الرائع يدل على ذوقك الراقي

تقبل مني صافي الود وعااااطر الورد

[ابو محمد العريض]

صح السان الشاعر ومشكور


رشيد علا النقل

[بندر نواف]

تسلم أخوي رشيد على نقلك المميز لقصيدتي
ومهما قلت من كلمات فلن أوفيك حقك
تقبل تحياتي وصادق محبتي وإحترامي
وتقديري لشخصك الكريم.
أخوك/ بندر بن نواف الرشيدي

[رشيد]

اقتباس من مشاركة العريض الله الله لله درّك بندر بن نواف اخي رشيد نقلك الرائع يدل على ذوقك الراقي تقبل مني صافي الود وعااااطر الورد

يسلمك راسك اخوي العريض

اسعدتني بردك - الله يسعدك دنيا وآخرهـ

[رشيد]

اقتباس من مشاركة ابو محمد العريض صح لسان الشاعر ومشكور رشيد على النقل

شاكر لك يابو محمد وممنون.

[ابو سامي]

صح السان الشاعر ومشكور


رشيد علا النقل

[رشيد]

اقتباس من مشاركة بندر نواف تسلم أخوي رشيد على نقلك المميز لقصيدتي ومهما قلت من كلمات فلن أوفيك حقك تقبل تحياتي وصادق محبتي وإحترامي وتقديري لشخصك الكريم. أخوك/ بندر بن نواف الرشيدي

يسلمكم ربي يابو نواف

قصيدتك جميله جدا ومميزه

لا وبعد علقنا عليها في الرابط << يافرحتي

تستاهل التقدير والإشاده والتميز

اخي بندر

صح لسانك ولا عدمنا طلتك وحضورك

وتميزك الشعري الفاخر الطراز.