[الـــشــــيـــهانــة]

بسم الله الرحمن الرحيم

من خلال فرفرتي بالمنتديات وخاصه قسم الشعر
لفت انتباهي روعه وابداع قصائد الشاعر محمد بن فطيس
وقلت أروح لمنتداي واسدح الشعر اللي حسيته اقرب شي لنفسي
أتمنى انه يعجبكم أخليكم معاها

واللي حاب يسمعها هذا الرابط
http://gsayed.z7mh.com/watch92.html

يا هيه إتلفت لي وإسمع دعاي لك يا هيه
ترى عادك بتشبع من البعد وتواجه
***
دعيتك بصوتٍ ياصلك ليه ما توحيه
وأنا أسمع ضلوعك من صدى الصوت لجاجه
***
عليك الفؤاد إخلاجه مصمخ راعيه
خف الله في راعيه ما تسمع إخلاجه
***
ترى العفو قد جاك أوله وإغتنم تاليه
وترى الحلم بحرٍ غير لا تآمن أمواجه
***
وترى الود ليلٍ مظلمٍ جيتلك ساريه
سراجه وصالك والجفا ينفخ سراجه
***
وترى قصرنا اللي كم سنة نجمع ونبنيه
هوى العذل طيح بابه العود وسياجه
***
لي أيام مدري وين دارك ولا أدري ليه
وأنا خابر إني باب شفك ومزلاجه
***
غيابٍ بلا سبة هجادٍ بلا تنبيه
وجفا أغلى العرب نارٍ على الكبد وهاجة
***
نضج قلبي من البعد وش حاجتك تكويه
جفاك الجمر والصبر في بعدك الصاجه
***
إنطبع حبك بقلبي والأيام ما تمحيه
هذا هجرك يحاول يموجه ولا ماجه
***
يموت الأمل لكن ظنون الغلا تحييه
وعروق الوفا فالروح والقلب وجاجة
***
خبرتوا حدٍ يبكي على واحدٍ يبكيه
وخبرتوا حدٍ مسجون ما يبقي إفراجه
***
أحبه ولا أبغضته على شيٍ يسويه
ولا زالت رقاب الرجا فيه معاجة
***
عسى منزلٍ ضمه حقوق الوسم تسقيه
وتضحك له الدنيا وهو يضحك حجاجه
***
فقد خاطري شي من الضيقة مسليه
وغدت روحي من الناس والليل هجاجة
***
أروح لمكانٍ خابره .. خابره تآتيه
أسوق القدم صوبه وهي مالها حاجة
***
مكانٍ نزيه وأول مواجهي له فيه
وأنا خابرٍ ما رجل مثله بدواجة
***
لعل وعسى ما حدني للمجي يدعيه
وأشوفه وأنا ما ودي أسبب إحراجه
***
يحب الجريح آخر دروب اللقى ويجيه
وتحب القدم جية مكانٍ أول مواجه

الموضوع الأصلي: أحبه ولا أبغضته على شيٍ يسويه | | الكاتب: الـــشــــيـــهانــة | | المصدر: شبكة بني عبس

[ابواثنين]

ترى العفو قد جاك أوله وإغتنم تاليه
وترى الحلم بحرٍ غير لا تآمن أمواجه

مشكوره اختي الشيهانه فعلا تستحق النقل

[الـــشــــيـــهانــة]

ابو اثنين
منور متصفحي تسلم

[ولد حايل]

أروح لمكانٍ خابره .. خابره تآتيه
أسوق القدم صوبه وهي مالها حاجة
ابن فطيس رائع بكل ماتعنبه الكلمه
وكل قائده جميله


شكرا الشيهانه على نقل الروائع

في انتضار جديدك بعد ما انتضرنا عودتك

[الـــشــــيـــهانــة]

[ ولد حايل ]
تــــســــلم ياذوق
أسعدني تواجدك

[خاتم الرشيدي]

خبرتوا حدٍ يبكي على واحدٍ يبكيه
وخبرتوا حدٍ مسجون ما يبقي إفراجه
مشكوره اختي الشيهانه فعلا تستحق النقل

[الـــشــــيـــهانــة]

خاتم الرشيدي

تســـلم عالمرور

[زهو الايام]

صح السان ابن فطيس
رااائعه جداً ومن القصائد التي اعشقها
استمتعت بقرائتها والاستماع لها بمتصفحكـــ الراقي
سلمت يمينكـــ