[مساعد الخياري]

بغداد

لي ناظر عن الهزيله يصدي
و لا قال عن كف المواجيب توبه

يانفس نوزي للعلاء وإستعدي
درب العلاء يانفس ماهو بدوبه

أشفق على اللي للطويله يعدي
وراع السهل ماودي أقرب دروبه

ولا كل رماي يصيب و يقدي
ولا كل غواص يجيب الكسوبه

أحد إلياء منه تلزم يسدي
و أحد عن الميقاف عنده صعوبه

البارحه ليل العناء مجرهدي
حتى بذعذاعه فقدت العذوبه

حاولت أهون من هجوسي و أهدي
و يزيد ما هديت في كل نوبه

طار طرالي للضماير يحدي
على جحيم نار جمر شبوبه

و أنا صميم الصلب ما باح سدي
أصبر و لو حبلي تزايد كروبه

أثقل من تهامه إلياء طاح ردي
على الذي عندي قليل امحسوبه

و أرق من ورد بعطره يندي
على الذي بالطيب هبت هبوبه

أشره على اللي للوفاء مستعدي
ولا الردي في عينه ألفين كوبه

وقت به الفيران سوت تحدي
رزت بيارقها وسوت نشوبه

تغطرست بالحيل من كل ندي
و عكف الشوارب بالوطيس امغلوبه

بغداد بالعينين شفته يهدي
و جنايز كل غشى الدم ثوبه

وصدام وسط المشنقه ما يعدي
حبله براسه و الجحادر تلوبه

و ابليس بالشاشه لهم مستضدي
أرسل جنود لشعبهم و أرثعوبه

تلعب بنا الكفار من كل مدي
وين الاخوه و العرب و العروبه

نشوف نسكت ليه ما نستهدي
بمدرعات وجند ماهو بدوبه

لين اليهود ايصير ماله ملدي
نلعن ثراه و ديرته و محسوبه

و نرفع علم توحيد جدك و جدي
في جاه من قالوا له الناس توبه


الشاعر / بركه صالح الخياري

الموضوع الأصلي: بغداد (( الشاعر بركه صالح الخياري )) | | الكاتب: مساعد الخياري | | المصدر: شبكة بني عبس

[اسير الصمت]

صح لسانك وعلا شانك وبيض الله وجهك

وافي والقصيده وافيه


ويعطيك العافيه على النقل