[داري قطر]

سرقت النوم من داخل عيوني
وخلّيت السهر فيها مؤبد
أقاسي الشوق ما تغمض جفوني
ونار الصبر في قلبي توقـّـد
ومن لي من صدودك ينصفوني
إذا بأشكي لهم أو بأتودد ؟
أنا ما أرضى في حبك يعذلوني
أقضي العمر بين البين والصد
نجوم الليل عنك خبروني
حبيبك في الهوى مثلك وأزيد
أنا حبيت حبك يا جنوني
على حبي جميع الناس تشهد
غرامك حلّ في كنّي وكوني
وقيدني وأنا اللي ما أتقيد
خلاص أرحم وخفف لي شجوني
موتي صار في حكم المؤكد !
وسلامتكم

الموضوع الأصلي: سرقت النوم من عيوني | | الكاتب: داري قطر | | المصدر: شبكة بني عبس

[حــزام]

بيض الله وجهك اخوي داري قطر
وصح لسان الشاعر
والقصيده جزله ورومنسيه بشكل كبير
ولاخلا ولاعدم