[ولــد خــلف]

قصيده كتب لها ان تكون

قصيده ، هي بينكم

كما هي ،

اللي بقى بالبوك تسعة ريالات=كل الذي باقي معي من رصيدي
ياراعي الوقفات يابو الجمالات=ياصاحبي . . يامسندي .. يا عضيدي
جتك القصيده رغم طول المسافات=واحكم على كيفك وباللي تريدي
مامقصدي سلفه ولا ابغى حوالات=حبيت اوضّح واقعي في قصيدي
ابتنفس ضاق صدري معانات=وابتحرر واقطع حبال قيدي
تعبت هم وحلم واتعبني الذات=عنيد وانا مثل طبعه عنيدي
مابين خيبات الأمل والطموحات=ضيعت مدري ويش ابيه واريدي
متجمعٍ كلي وانا كلي شتات=ومتشتتٍ وانا لحالي وحيدي
اضحك واقول العمر كله سهالات=دام القدر واقع ولاهو بأيدي
رغم اتساعات الفضاء والمساحات=إلا ان ضيقي دايمٍ في وريدي
ياكم يخون الوقت مره ومرات=وياكم قنصت وياكل الغير صيدي
وياكم على صدري تجمع تنهات=وياكم بكيت وقلت للحزن سيدي
غربة حياه اعيشها ببتسامات=اهم شي ... اعيش عمري سعيدي
على شواطي حزن تنبت مسرات=على نغم عزف الهوى للجريدي
حياه تبنى بتساع العلاقات=ومع من تحب يكون حبك وطيدي
بالرغم من قل العدل والمساوات=وتصنيف خلق الله شيوخ وعبيدي
وركض البشر خلف الترف والشهاوات=وحب الأناء .. والنرجسيه وليدي
صار التفلسف بهرجه والسياسات=ضحله .. ومحصول المفكر زهيدي
المجتمع لو يزدهر بالحضارات=وترابطه معدوم .. وش يستفيدي ..؟
تبقى سذاجات التخلف سذاجات=يتوارثوها من حفيد لحفيدي
الواسطات اساس علم السخافات=والتفرقه ماهي بعلمٍ جديدي
والأسئله مفتاح كل الأجابات=ويبقى الغباء علم وسياسة بليدي
الله يلعن والدين الحزازات=حسّبتها تنقص واثرها تزيدي
نعيشها ظلم .. ونسير بمتاهات=دروبٍ رسمها قاهــري لصعيدي
ودام التناحر في جميع الديانات=يامحترين العيد مافيه عيدي
ومادام حنا اموات وابائنا اموات=وش ينفعك لو عشت عمرٍ مديدي ؟
إلا عمل صالح وخمس الصلاوات=والذكر يبقى كان رايك سديدي
واللي طرالي ضمن ماجاء من ابيات=إلا ماعمره غاب علمٍ اكيدي
شطرٍ لخوي وحافظه من سناوات=(يكفيني آصل لعتزيت برشيدي)

الموضوع الأصلي: تســـعة ريـــــالاااتـــــــ ... !!! جديدي | | الكاتب: ولــد خــلف | | المصدر: شبكة بني عبس

[العالم الفلكي]

صح السانك ياولد خلف

شاعر مبدع

[برق الوسم]

صح لسانك ولد خلف
قصيده تحمل الكثير من المواضيع00
اعجبني البيتين الاخيرين00
تقبل مروري

[ماجد الصنيدح]

صــــح الســــانك أخـــــــوي ولـــد خلــــف
قــــصيده رائعة والـــشاعر أروع

[الوافي99]

صــــح الســــانك أخـــــــوي ولـــد خلــــف
قــــصيده رائعة من شاعر رائع

[حــزام]

بيض الله وجهك ياعايد بن خلف
قصيده فيها الكثر من المعاني والرموز
يعوضك الله خير يابو خلف والجايات اطيب من الي راحن
وابيض وجه وتشرف دايمن
صح لسانك
ولاخلا ولاعدم

[ولــد خــلف]

اقتباس من مشاركة العالم الفلكي صح السانك ياولد خلف شاعر مبدع

ياهلا واغلا بخوي

العالم الفلكـي

صح بدنكـ ولاهنت على مروركـ

ومتابعتكـ العذبــــــه

ودمت بود

[فتل و نقض]

اخوي الغالي ابن خلف ,,,, اتمنى ان تتقبل هذا المرور المتوااااضع على قصيده شاااامخه بكل ما تحمله هذه الكلمه من معاااني وعبااارااات .... قصيده رغم بدااايتهاا الكوميديه الا انني تفاجات عند بدأت اتوسط وادخل واتعمق في هذه القصيده ,,, ربما لن اكون كأخواني الذين مروا مرور الكرااام فقصيده كهذه يجب على كل من قرأها ان يقف ويتمعن ويعيد ترتيب حساااباااته ... قصيده رااائعه تدخلك في البحر وتخرجك ناشفاً ,,, لن اقول الا ان من يحمل اسم شااعر فلابد ان ينااافسك يابن خلف ,,,

تقبل هذه المرور