[ابو بيان]

ياخذني الطـاري ليـا ذعـذع النـود=والامـر مـن رب العبـاد استـمـده
واقـول ياقلـب مـن الـود ملهـود=هـرج تحـس انـه يضايقـك بــده
الارض قاع وفوقهـا بـرق ورعـود=ونزل السما ماله عـن الارض صـده
والسيل جرحه يبعـث زهـور واورود=لاتقول عقـب الجـرح مابـه مـوده
انتـه ربيـع القلـب ياناعـم العـود=لـو ان قلـب تاخـذه مــا تــرده
ماتشوف قلبي بيـن اياديـك مولـود=وقلبـك بلشنـا بيـن مزحـه وجـده
ماترحم اللي جرحـه عيونـك السـود=ومخفـي جرحـه عـن النـاس مـده
وانا صبـر وكـل صبـر لـه حـدود=واخر قراري حاجـز الصمـت اهـده
واقع ولي فالصمت غايـه ومقصـود=والصدق سيف يقطـع الفطـر حـده
طالت مشاويـري وطـال العنـا زود=من الكويت اسـري واصابـح بجـده
يمشي قدم رجلي على الهون والكـود=واثبـت براهيـن الـمـوده بـشـده
واليا طلبت شهـود جبنالـك شهـود=انـي مسافـر بـيـن روحــه ورده
احيان مثل اللي ورى السرب مـردود=ضامي ودون السرب جـا مـن يـرده
واحيان اقول اني من العقـل مجـرود=البحر ما افـرق بيـن جـزره ومـده
ومن طبعي اخشى هرج حاسد ومحسود=وماحب من يبدي على النـاس سـده
واحيان اقول الباب مغلـق ومسـدود=مع واحـد نـور القمـر مثـل خـده
واحيان اقول لنـا مواثيـق وعهـود=بينـي وبينـه جـا كــلام نـعـده
راع الهوى مابين صاحـي ومصلـود=لـو قــال يالله السـلامـه مــرده
واحيان اقول انـي مغربـل ومقـرود=عـرف عسـى تاليـه ربـي يصـده
لاشافـي قلبـي ولا حـاصـل فــود=لاواهـنـي مكـبـريـن الـمـخـده

الشاعر نواف العازمي رحمه الله عليه

الموضوع الأصلي: قصيده للشاعر نواف العازمي | | الكاتب: ابو بيان | | المصدر: شبكة بني عبس

[المسافر]

الله يرحمة

ومشكووووووور ع الانتقاء

[المقدااد]

الله يرحم نواف العازمي واموات المسلمين ومشكور اخوي على النقل الجميل لاهنت

[المحيط الهادي]

شكرا لك ابو بيان على النقل المتنوع للمواضيع والقصائد الاكثر من جيدة

ورحم الله الشاعر نواف العازمي الذي أرى إنه شاعر محاورة ناجح بكل المقاييس

لن تنساه ذاكرة التاريخ

أما القصيدة فأنا أظن إنها تخصة شخصيا ولم يكتبها للاعلام

وإنما يدفعه شوقه تجاه من يحب ويفضفض عن مافي صدرة

في مخاطبة محبوبتة والبوح لها عن مكنونة حتى لو كان بمسوى أقل من مستواة الشعري في ميدان المحاورة ..

[عبدالله المظهور]

ابو بيان

الله يرحم نواف .. وصح لسانه رحمه الله على هالقصيده.

جميله بكل مافيها .. ورقيقه وفيها حزن واضح .

تسلم يمينك على النقل الرائع وتقبل تحياتي وتقدير ي.

[مرزوق العجوني]

الله يرحمه ولا هنت على النقل

[ابو بيان]

بن مرجي@ المقدااد @المحيط الهادي @مرزوق العجوني @عبدالله المظهور اشكركم على المرور وتقبلو تحياتي اخوكم ومحبكم ابو بيان

[البعيد الهادي]

[size=6]الله يرحم ابوعبد العزيزنواف العازمي رحمة واسعه
[size=6]قصيدة جزله[/size]
[size=6]وبيض الله وجهك ابوبيان على [/size]
[size=6]النقل الرائع[/size]

[/size]