[ابراهيم راشد]

¤قال الشــاعــر¤
¤ســــند الـرشـــــــــيدي¤
ياصاحبـــــي غـــــرتك بعض التفاكير=
فـكـرت فـــــي شيآ مايطـــــري عليه
واللـــه ماصـــــرفت ولـــد المناعـــــير=
مانـــــي ولـــــد رخمه يصــرف خويـه
انا علــــــى درب الوفاء دايـــــم اسير=
فـــــي ذمتــــــي ماسعا لكسب الرديه
خــذ الحـــــذر قـــــبل تجيك التحاذير=
والحـــــر يفهمها ولوهـــــي خفــــيه
من لايقدر مـــــن يســـــوق المعاذير=
ماله مـــــع الرجـــــال الـوفاء مقدريه
رد الشاعر/فهد القحطاني
ياصاحـــــبي صاحبك ســـــاق التباشير=
يابن الرجـــــال اهــل الوفاء والحميه
مايلحقك يابــــن الرجـــــال المشاهير=
شـــــك" وريب" والليالـــــي مـــــديه
حـــنا نعـــــرفك يازبـــــون المخاسير=
من روس قـــــوم"للمــــــراجل وفيه
ان كان قصـــــدك ظن ظنــي تياسير=
وانته تعــرف المقـــــديه والخطـــــيه
وان كان جوك شاش يالله عسى خير=
ياللـــــه عساها مـــــزنة" عارضــــــيه
تمطر علـــــى قلبك وتنبت نواويـــــر=
ويفـــــوح ريـــح الطيب صبح وعشيه
وحنا نقـــــدر والنـــــوايا مغاتيـــــر=
والنفس في المأجــوب ماهـــــي دنيه

الموضوع الأصلي: سند الرشيدي *و* فهد القحطاني | | الكاتب: ابراهيم راشد | | المصدر: شبكة بني عبس

[عبد العزيز]

صح اللسنتهم ويعطيك العافيه على الطرح

[سالم الرشيدي]

صح السنتكم وبيض الله وجيهكم

ومشكور يالغالي على النقل

[حــزام]

بيض الله وجهك اخوي ابراهيم راشد
وصح لسان الشاعرين سند الرشيدي وفهد القحطاني
والله يجعلها مزنتن عارضيه مثل ماقال القحطاني
ولاخلا ولاعدم

[عنقود البدو]

صح لساااانهم .. واسلمت ادياااتك اخويه عالنقل

مودتي

عنقود البدو

[العريض]

يعطيك العافيه على النقل الرائع

[عيد سعود]

شكرا على النقل من شاعر متألق وتقبل مروري

[ابراهيم راشد]

اقتباس من مشاركة عبدالعـزيز صح اللسنتهم ويعطيك العافيه على الطرح

صح بدنك
أسعدني مرورك
واسح لي عن التأخير
تحياتي لك