[ولــد خــلف]

السلام عليكم

قصيده من الزمن الجميل

كما هيـــ لكـــم ،

ياوضحى ماعلينا.. ونتهينا .. ونسي اللي فات=وعلى قول المثل (كل الذي قد فات قد ماتي )
تعبت اجامل الزله الى من كثرة الزلات=وتعبت اقول زين الوقت يمكن جاي بالآتي
معاك بدربك الأعوج ولا ادري وش ورى النيات=الى من بانت النيه وخيبتي طموحاتي
ياصبري .. يا مأسي قلبي العاشق ..ويا الآآهات=ياضيقة صدري اللي منك صارت يا معاناتي
يا حزن الناي في صوتي ..ياموتي ..ياصدق العبارات=ياخوفي ..يانجرافي ..يانحرافي ..يا نتكاساتي
يا قسوة وقتي.. وحلمي ..يا علمي ..يا عديم الذات=خساره ما عطيتك ليش تكسر لي جناحاتي؟
بدينا لجل نختم حبنا في أتعس نهايات=ياليت الوقت علمني عشان الغي بداياتي
هدمتي واقعي يومك بيّدك كلتي الطعنات=بضهري ثم رحتي والعزاء لأحر دمعاتي
جداي اني اقول لفيض غيضي يا عضيدي هات=ما عادت تفرق بعيني ولا عادت محباتي
خلاص ابعتبر ما فات حلمٍ عابرٍ قد مات=او اعتبره طفوله او شقاوه من شقاواتي
وبرحل.. واتركك.. وانساك واعتبرك من الاموات=وبدون أدنى جدال تصير من اطرف حكاياتي
ابمضي في طريقي وابتعد وترك لك الونات=تجرع سم غدرك (والأطار بصووت ضحكاتي)
انا اذكر قلت لك مره تحاش الثقل والصدات=ومن اعذر قد انذر بس ماقدرتها وصاتي
تعرف اني ليا قفيت ما أعرف لدت النظرات=ولا اتلفت .. ولايمكن اغير درب وجهاتي
لو انك خلفي بدربي تعثر تكثر الصيحات=انا ياكيف ابرجع وانت كنت اتعس محطاتي
انا اغتلتك مثل ماأغتيل من قبل (أنور السادات)=ما عاده خافقي بيتك وانا مرتاح بسواتي
لك دروب المواجع كلها يا مخيب الهقوات=وانا لي دربي اللي يعرفنه زين خطواتي
تشوفين الحزن واضح وضوح الشمس بالأبيات=وتشوفين الأمل قد مات في اغلب كتاباتي
وتشوفين الوهم سايد .. ولا واقع .. ولا اثبات=وتشوفين الدموع تموت مع موت بتساماتي
خلاص ابعلن الهدنه وأبرفع لسماء رايات=على طول الزمن تبقى تخافق في سماواتي
وانا اذكر قلت لك مره تحاش الثقل والصدات=ومن اعذر قد انذر بس ماقدرتها وصاتي !!

الموضوع الأصلي: وضـــــحى .. ! | | الكاتب: ولــد خــلف | | المصدر: شبكة بني عبس

[مسموح يالغالي]

صح بدنك وبدن غاليك

[شامخ الشامخ]

يا حزن الناي في صوتي ..ياموتي ..ياصدق العبارات
........................... ياخوفي ..يانجرافـي ..يانحرافـي ..يـا نتكاساتـي
يا قسوة وقتي.. وحلمي ..يا علمي ..يا عديم الـذات
........................... خساره ما عطيتـك ليـش تكسـر لـي جناحاتـي؟


لله درك يا عايد ..
مبدع دائما وبكل حضور ..
ادهشتني بما نقشت هنا .. كما ادهش دائما مع حروفك
صح لسانك ولاهنت ,..
لك تقديري + متابعتي الدائمة + اعجابي المتجدد
اخوك .. ابو نايف

[عبدالله المظهور]

صح لسانك

عايد

الشاعر الذي يأخذنا الى البعيد البعيد .

شكرا لك .. وعلى ماخطه قلمك من ابداع بهذه الشامخه .

تقبل تحياتي وتقديري .

[عيسي الرشيدي]

صح الله لسانك وعلاشانك

[مرزوق العجوني]

ابو خلف صح لسااااانك ولا هنت وتقبل مروري وتقديري

[العالمي]

صح لسان الشاعر

[فهد المويسه]

صح لسانك يا عايد

مبدع دائما