[شامخ الشامخ]

السلام عليكم ورحمة الله وبركاته

اهدي لكم هذه القصيدة .. علّها تلقى القبول والاستحسان ..



:

ملامح ذكريات .. وبرهة اوقات .. وحديث الذات = على شاطي .. بحر ليلة ضياع ٍ .. جوّها هادي
ضياعي / منهل اوجاعي / وداعي / قلبي اللي مات = سبب صدمة فراق ٍ .. لو تبين اسبابها .. عادي
فراقي / واحتراقي / واشتياقي .. في زمن يقتات = من احلى حب .. عزّاني رحيله .. ضيقي البادي
اضيق .. ولا طريق.. الا مضيق .. الفُقد والحسرات = افيق .. ولا صديق .. الا بريق .. امسي وحسادي
تشبعّت .. بصمودي من قيودي .. واسود الاوقات = ركنّت لنور .. درب الذكريات .. وحزني اقنادي
عرفت اني غريب بواقعي .. مُستنفذ الحيلات = عرفت اني على باب الرحيل .. انقش : من اسنادي؟
لويت اذراع صمتي .. للرحيل .. وحسرة اللي بات = زهيد بكل ما يملك .. وانا زُهدي من اعتادي!
وفيّ .. لكن من اللي يستحق الحب .. والابيات = وفيّ .. لكن خسرت الحب كله .. و اعرّض امدادي!
لو انه حُب .. فوق الوصف .. وألجمّ معجم الكلمات = عزاي .. اشيل .. عذر اول حبيب .. لطعنة اندادي
وفاء عشرة .. يكفنّها وداعي .. بالزمان الآت = ورى حدب ٍ .. يقوّسها الضياع .. وغربة افوادي
عذابي .. يا اعتذابي ..من كتابي .. طيف .. بالصفحات = اغني له .. وانا استعرض سطوره .. ضاعت امجادي!!
بداية.. من فراق الحب الاول .. واعمق الطعنات = نهاية .. باللهيب اللي .. حرف وجهي .. عن ابلادي
رحلت انزف حياتي .. والشموخ .. يقودني بسكات = رحلت .. وسكرة الموت .. الرفيق .. وصفق الآيادي
رحلت .. اقطف من الذكرى .. ثوان .. من اجمل اللحظات = واعيش ابها .. ورى باب الوفاء .. واستلطف اسهادي
تكبّدت العنا .. بين الجروح .. وهادم اللذات = غريب يغيب زولي .. لا احتضرت .. بشوفة اسيادي!
تعبت من الفراق .. وضاقت اعيوني .. من العبرات = مثل ما ضاق .. سدّ الماء .. من الطوفان والوادي
رحيل .. اربع سنين .. بغبة الذكرى .. مع الآهات = كفيل انه .. شفى جرحي .. ومات الجرح .. واعنادي
سجدت .. استنجد الله .. في طريق يجبّر العثرات = وانا بين الرياح .. وهقوتي في ربي .. اوتادي
عرفت ان البشر .. فيهم يخيب الظن والهقوات = وثقت .. اني تحت رحمة وليّ العرش والهادي
رخص حب / وصرخ قلب / وبكت عين / وشكت نظرات = و أفلّ نجم / وبزغ نجم / وذرف جزن / وعزف شادي
طويت مع اللحن .. فصل الحزن .. من عمري اللي فات = كتبت .. الحب الاول .. هو سبب .. موتي وميلادي!
تنفست الصبر .. لأجل الفرح .. يستنزف الضيقات = صدحت من الفخر .. وش مات .. ياايامي .. من اعيادي
بديت ابني .. مع الآخر .. تواصل .. وانثر البسمات = بديت .. اجمع شتاتي .. وارميّ احزاني .. على اصفادي
الين استشرّب القلب .. الفرح .. وانكف عن السجات = وطاب النوم .. في ليل السكون .. و نفحة الكادي
رغم عطر السكون .. وليل داجي .. والتعب خذ / هات = وقفت .. انظر مع الشباك .. واطلق للمدى .. اجيادي
سريت احضن من النور .. الشعاع .. وخطوتي .. خطوات = قربت .. وهزّني .. بين الزوايا .. صرخة امنادي!
هنا .. يا مرحبا بك .. حُلّ ضيف .. وتعرف العادات = قلطت .. وعادني .. في مجلسة .. وبجانب اقيادي!
تشبعّت .. بجروحي .. من وضوحي .. و اكتفّت غابات = صبرت ولا انكسرت .. وغربتي .. بوابة ارشادي!
اسامر .. صوت الامس .. بذكرياتي .. وارفع الرايات = و ألملمّ .. للصدى .. حاضر شتاتي .. وأربطّ اجهادي
يزف الامس .. ترسانة صمودي .. و أدحرّه مرات = واناظر .. في مضض .. طيف الفرح .. والحاضر ألحادي
على الماضي .. غبار الوقت .. لا جيت .. اختلس نظرات = ما اشوف الا .. سنآ جرحي .. يلوح .. بعتمة افوادي
وفيّ .. لكن جزاي .. ارحل جريح .. وقصتي بأبيات = جريح .. وسكرة الموت .. الرفيق .. وصفق الآيادي!

وسلامتكم ..

مع فائق التقدير ..
اخوكم .. ابو نايف

الموضوع الأصلي: ( الحب الاول ) .. وفيّ .. لكن من اللي يستحق !! | | الكاتب: شامخ الشامخ | | المصدر: شبكة بني عبس

[مرزوق العجوني]

صح لسانك يابو نايف ولا هنت وتقبل مروري وتقديري

[شاعر الضلع]

تشبعّت .. بصمودي مـن قيـودي .. واسـود الاوقـات

ركنّـت لنـور .. درب الذكريـات .. وحزنـي اقـنـادي

عرفـت انـي غريـب بواقعـي .. مُستنفـذ الحـيـلات

عرفت اني على باب الرحيل .. انقـش : مـن اسنـادي؟

لويت اذراع صمتي .. للرحيـل .. وحسـرة اللـي بـات

زهيد بكـل مـا يملـك .. وانـا زُهـدي مـن اعتـادي!

وفيّ .. لكـن مـن اللـي يستحـق الحـب .. والابيـات

وفيّ .. لكن خسرت الحب كلـه .. و اعـرّض امـدادي!

لو انه حُب .. فوق الوصـف .. وألجـمّ معجـم الكلمـات

عزاي .. اشيل .. عـذر اول حبيـب .. لطعنـة انـدادي

وفـاء عشـرة .. يكفنّهـا وداعـي .. بالـزمـان الآت

ورى حدب ٍ .. يقوّسهـا الضيـاع .. وغربـة افـوادي

عذابي .. يا اعتذابي ..من كتابي .. طيف .. بالصفحـات

اغني له .. وانا استعرض سطوره .. ضاعت امجـادي!!

بداية.. مـن فـراق الحـب الاول .. واعمـق الطعنـات

نهاية .. باللهيب اللي .. حرف وجهـي .. عـن ابـلادي

رحلت انزف حياتـي .. والشمـوخ .. يقودنـي بسكـات

رحلت .. وسكرة الموت .. الرفيق .. وصفـق الآيـادي

رحلت .. اقطف من الذكرى .. ثوان .. من اجمل اللحظات

واعيش ابها .. ورى باب الوفاء .. واستلطف اسهـادي

تكبّـدت العنـا .. بيـن الجـروح .. وهـادم الـلـذات

غريب يغيب زولي .. لا احتضرت .. بشوفـة اسيـادي!

تعبت من الفراق .. وضاقت اعيونـي .. مـن العبـرات

مثل ما ضاق .. سدّ المـاء .. مـن الطوفـان والـوادي

رحيل .. اربع سنين .. بغبـة الذكـرى .. مـع الآهـات

كفيل انه .. شفى جرحي .. ومات الجـرح .. واعنـادي

لله درك

مبدع مبدع
بالتوفيق وسجل اعجابى
تحياتى

[عبدالله المظهور]

مبدع .. وشعرك شاااامخ
ومفرداتك وعباراتك وصياغتك تعيدنا الى مجد الشعر .. الشاااامخ .
يعني انت كلك على بعضك .. شامخ الشامخ .

صح لسانك ياابو نايف .

تقبل تحياتي وتقديري .

[بندر نواف]

الله الله عليك أخوي أبونايف
قصيدة تقطر عذوبة وجزالة
وتتجلّى فيها براعة
السبك والحبك
لك مني
خالص الود والتقدير
والإحترام.

أخــــــــــــوكـ/
المتغبي

[سيف عبس]

و أفلّ نجم / وبزغ نجم / وذرف جزن / وعـزف شـادي




الا نجمك الشاااااااامخ ياااااابو ناااااايف ابداااع غير مستغرب من نهر الابدااااااااااااااااع

[عيسي الرشيدي]

انت رمز لشعر بيض الله وجهك وصح الله لسانك

[ماجد الصنيدح]

ضياعي / منهل اوجاعي / وداعـي / قلبـي اللـي مـات

سبب صدمة فـراق ٍ .. لـو تبيـن اسبابهـا .. عـادي

فراقي / واحتراقـي / واشتياقـي .. فـي زمـن يقتـات

من احلى حـب .. عزّانـي رحيلـه .. ضيقـي البـادي

اضيق .. ولا طريق.. الا مضيـق .. الفُقـد والحسـرات

افيق .. ولا صديـق .. الا بريـق .. امسـي وحسـادي

صــح لسانك أيــــها المبدع
وأتمنى لك التوفيق بـــشاعر المليون أنت وأبناء القبيلة