[عبدالله المظهور]

.
اخواني الأعزاء في هذا الصرح الشامخ
لقبيلتنا العزيز قبيلة بني رشيد العبسيه
اهدي لكم من قصائدي هذه القصيده التي ارجو ان تنال على بعضاً من رضاكم .

سافر بمان الله يا .. حضرة البيه=والى اللقاء في شط الأسكندريه
بالشاطي الي خلف مطعم كباريه=الي وراء دوار مجدي عطيه
وعد بحال .. وحال يمكني الغيه=حسب الظروف الخارجه عن يديه
يقوله الي ختم الاحوال حاديه=ختم الشرف بالخدمه العسكريه
قانون يحكمني .. وانا غصب البيه=قانون له في داخلي مقدريه
يابيه .. ياباشه .. يافندم .. يا .. أيه .. أيه ؟=ياصاحب القاب الشموخ العليه
يابرد وقتي .. يااعتداله .. ودافيه=وياداخلي نفسي .. وياخارجيه
وياظاهر اشعوري .. وسره .. وخافيه=يااخر مدى .. ياالخطوه الأوليه
ويامبتدأ درب العتب .. والمشاريه=ويامنتهى احباب(ن) لهم قابليه
انا الفراغ الي بوقتك مليتيه=وانا الخزف .. وانتي كما المزهريه
وانا بكاء طفل(ن) فقد شوفة ابيه=وانتي ابتسامات الحياه الهنيه
وانتي قمر .. وانا السواد بلياليه=وانا أي حاجه .. وانتي الجاذبيه
وهذا حلا نومي تعالي وخوذيه=ونامي .. وخلي امساهر الليل ليه
وياسيدي .. والدمع وشلون ابخفيه ؟=دمع الوداع بليلة(ن) سرمديه
هاك الوداع الي تحزن طواريه=الي حصل في فندق الفيصليه
الفندق الي كل مااذكرك احييه=وادق له مع كل ذكرى تحيه
ذكرى الوداع الي بكيته .. واببكيه=ايوالله اببكيه غصب(ن) عليه
ودعتها .. بالحزن .. والدمع قافيه=ونسيت كل الأحرف الأبجديه
ابتكلم .. وانطق الحرف .. واخطيه=صارت سوالفنا طلاسم خفيه
وغادر وانا احس الثقل في خطاويه=حيث الوداع اموثراته قويه
ورغم الفراق الي تقافت لياليه=عجزت لانسى الورده اليوسفيه
ومازلت احبه .. واتمناه .. واغليه=وعندي أمل في يوم يرجع عليه
وشي(ن) حصل لي .. ذقت طعم الوزى فيه=ياشين نوب الرحله العاطفيه
والحب ياشينه .. ومااقشر مماشيه=انا اشهد ان الحب اكبر خطيه
وياالبحر الأحمر ليتي اقدر واناديه=لاجلس على شاطيك صبح .. وعشيه
وهو على شاطيك الاخر .. واحاكيه=ويسمع .. وانا اسمع كل مايقول ليه
ذي حيلة الي ختم الأحوال حاديه=ختم الشرف بالخدمه العسكريه

وسلااااااااااامتكم جميعاااااااااااااااا

الموضوع الأصلي: فراق .. حضرة البيـــــه | | الكاتب: عبدالله المظهور | | المصدر: شبكة بني عبس

[عيد سعود]

صح لسانك وتقبل مروري

[مرزوق العجوني]

صح لسان اخوي عبدالله ولا هنت وتقبل مروري

[خطاف الشعار]

عبدالله المضهور

صح لسانك وعلى شانك

[عيد سعود]

صح لسانك اخووووي وتقبل مروري

[بحرالغلا]

وشي(ن) حصل لي .. ذقت طعم الوزى فيـهياشـيـن نــوب الرحـلـه العاطـفـيـه

صح السانك

[ولــد خــلف]

عبدالله المظهور

صح لســـانكـ جميل ماكتبت

شاعر احبه واحب قصيده

دمت ودام نزفكـ الراقي

[عبدالله المظهور]

عيد سعود

صح بدنك

سعيد بكونك اول من يمر على متصحفي

اسعدني مرورك .

تقبل تحياتي .