[ولــد خــلف]

السلام عليكم ورحمة الله وبركاته

قصيده بمناسبة حصول الشيخ / منصور بن فضي المضيبري الرشيدي

على ختم معرف وذالك في الحفل الذي اقيم في قرية الطنيب

احدى القرى التابعه لمنطقة حايل ،

بسمي وسم جدي سراب وبسم مـن ياسـم رديـف=ســلام يـارجـالٍ تخـلـد ذكـرهـا بفعالـهـا
ياعيال مضبـر لابتـي يالعـز يالسيـف الرهيـف=ياسـاس راس المرجلـه يـا تاجـهـا وعقالـهـا
ياهل الكرم والجـود والوقفـات والقلـب النضيـف=يامعقلـيـن الـشّـرد الـلـي مالـقـت عقالـهـا
ان كـان ماحنـا بـالأول ماطمعنـا بالوصـيـف=طناخـةٍ غـصـبٍ عليـنـا والفـخـر يبرالـهـا
وعن مايهين النفـس حطينـا لنـا حـد ورصيـف=نبعـد عـن دروب الـردى .. فـال الله ولا فالهـا
من لابـةٍ ربـي خلقهـا مابهـا شخـصٍ ضعيـف=الله عـلـى روس النـوايـب شـيـدة تمثـالـهـا
بني رشيد عيال عبس السيـف لامـن قيـل سيـف=محللـة عقـد الحبـال الـلـي بـلـش حلالـهـا
فعولنـا ماهيـب نـارٍ تشتعـل فـي وسـط ليـف=فعولنـا بدقاقهـا تـضـرب بـعـرض جلالـهـا
في حقنا لا مانتنـازل لـو علـى قطعـة رغيـف=وعاداتـنـا مهـمـا تـطـور وقتـنـا مازالـهـا
دخيلنـا مايضـام وابـداً ماسبـق خنّـا الحلـيـف=( والخوه اللـي مـن خلقنـا الله وحنـا رجالهـا )
صدورنـا دروع لقبيلتنـا وطعـم المـوت كـيـف=( دلـة عويـدي والرشيـدي شـاربٍ فنجالـهـا )
اسم ٍ على وجه الزمن يبقـى ماهـو بسـمٍ خفيـف=مايميـل لـو صكـات بقعـا ميـلـت معدالـهـا
رغم الضروف القاسيه.. والقل .. والوقت المخيـف=إلا ان عزتنـا تبـي تبـقـى ماتبـقـى جبالـهـا
واكبر دليل ابن فضي جاب الختـم لاتقـول كيـف=هـاذي ديـاره ورث ابـوه ونعـم رجـلٍ نالـهـا
يستاهـل وحنـا معـاه افـراد او جمـعٍ لفـيـف=هاذي ( الطنيب ) اميرها منصـور وحنـا عيالهـا
انشهد انه ريـف ربعـه وان ابـوه العـود ريـف=ويستاهـل الوقفـات والفزعـات رجـلٍ طالـهـا
في ظل ربي ثم في ظل الشريـف ابـن الشريـف=عبـدالله اللـي لاعتـزى.. حمـل الثقيلـه شالهـا
نسل ابو تركي حامـي البيتيـن والديـن الحنيـف=العاهـل اللـي وحـد الـدولـه لـكـل اجيالـهـا
وولي عهده.. نايبه .. سلطان .. وابصـر ياكفيـف=عـم الطناخـه والشجاعـه .. والرجولـه خالهـا
آل السعود اسيادنـا مـن دون شـك ودون زيـف=وحنـا لهـم حـرار تتحـرى الهـدد فـي جالهـا
السمع والطاعه لهم والخير منهـم يـا لطيـف ..!=والله مانـحـصـي جمايـلـهـم ولا نقـوالـهـا
شعب وحكومه صـف واحـد ذا خليـل وذا وليـف=الله يديـم المملكـه ونعـيـش تـحـت ظلالـهـا
وجات القصيده وسمها ( الكفه على ايسرها الرديف )=مهـره اصيلـه فـي وصايفهـا وانــا خيالـهـا

الموضوع الأصلي: الكفة والرديف ... ماقلته في حفل آهالي الطنيب .. | | الكاتب: ولــد خــلف | | المصدر: شبكة بني عبس

[فـ عتيبه ـارس]

ولد خلف شاعر داهيه وربك الله

صح لسانك حتى ترضى ونعم مليار

مبدع يابو خلف

تقبل تحياتي

[عيد سعود]

صح لسانك اخووووووووي ابوخلف وتقبل مروري

[خطاف الشعار]

صح لسانك ياولد خلف
شاعر مبدع بما تحمله الكلمة
لله درك
وتقبل مروري!

[مرزوق العجوني]

صح لسانك يابن خلف ولا هنت ويستاهل منصور ابن فضي وتقبل مروري

[فهد المويسه]

ونعم بالشيخ / منصور بن فضي المضيبري الرشيدي

ويستاهل والله يوفقه

وبيض الله وجهك يا بو خلف

وصح لسانك

وتقبل سلامي

[ابو محمد العريض]

صح لسانك اخووووووووي ابوخلف وتقبل مروري

[عبدالله المظهور]

صح لسانك ياابن خلف .

عااايد .. مبدع كعادتك .

يستاهلون اهل الطنيب .

ويستاهلون المضابره .

ويستاهلون بني رشيد .

ويستاهل الوطن .


تقبل تحياتي واعجابي .