[المهيمزي666]

شفت الرجا مقفي ويمشي علىالهون
والياس من بعد الرجا جا يبيني

رضيت بالمقسوم واللي يبي كون
قِدر وبالمقسوم مستسلميني

‏يازين هذا الوقت ماهو بمضمون
احلامنا قفت عليها السنيني

حبك سطع بالقلب نور على الكون
والله ليبقى داخل القلب فيني

بليتني بالحب والحب مجنون
من يوم واجهتك وشفتك بعيني

مبدا العلاقه صدفه ونظرت اعيون
وكلامي اللي قلتلك كلمتيني

‏قلتلك اذا تسمح واذا كنت انا امون
ودي يسمح البال ودي تجيني

على شرف والعز والعرض مصيون
والله ماتصافح يمينك يميني

‏ثم جيتني وقت الخلايق ينامون
على انتصاف الليل حسب اليقيني

‏‏عاهدتني وتقول بالعهد ماتخون
عهدتك العهد القوي المتيني

‏ودار الحديث اللي به الحب مقرون
وكل ما يطول الوقت هرجك يزيني

‏وسريت قبل الناس للفجر يصحون
وسرا معك قلبن بحبك رهيني

‏‏وجاني وداعك يوم تبغا تروحون
يوم قلتلي عن دارنا مبعديني

‏ودعتني توديع حاير ومطعون
قبل انتوادع باح خافي كنيني

نشدتني به حل والحل وشلون
عرضت رايي بس قلبك فطيني

‏اربع احروفن قلتها قبل تمشون
نطقتهن والقلب لجلك حزيني

اخاف اوضحها بها الناس يدرون
لاصرت تفهمني وش اللي حديني

جاك الكلام اللي به السر مدفون
ون طالت الايام لا تحتريني

حافظ على السر الذي جاك لايهون
وحرص من الحلم الذي به يبيني

الشاعر
سند فالح المهيمزي

الموضوع الأصلي: شفت الرجاء | | الكاتب: المهيمزي666 | | المصدر: شبكة بني عبس

[مرزوق العجوني]

صح لسانك اخوي ولا هنت وتقبل مروري

[كاس ألم]

صح لسانــك

[عيد سعود]

صح لسانك اخوي وتقبل مروري

[المهيمزي666]

الأعضاء الكرام

(مرزوق العجوني)


(منال العبسية )


( عيد سعود )

لاهنتم جميعاً
وصحت أبدانكم
ولكم مني ومن الشاعر \سند
أجـــــــمـــــــــل تـــــــحــــــــــيـــــــة