[الحميدي السبيعي]

أول مصاااااااافحة في هذا الصرح الشامخ هذه قصيدة
وصلتني من الشاعر / صالح مبارك المردعي النهدي

يا مبارك جهز البكـس الجديـدي=وارد اليابـان تصميـم الوكالـه
ونش فتحه يعجبك شكله فريـدي=بويته كنها الذهب في وصط صاله
طوروه الشغل زر بلمـس ليـدي=والشبح والشاص كنهم من عياله
إذكر الله لشتغل يرعـد رعيـدي=يعجبك شكله ويعجبـك اشتغالـه
يقطع المشـوار لديـار ٍ بعيـدي=يصل المشتاق ذي مبعـد حلالـه
شل مكتوبـي وبلغـه الحميـدي=قل أنا مرسول خذ منـي رسالـه
با يرحبك علـى منتـه تريـدي=يكرم الضيفان من غالـي حلالـه
المراجل لسبيعـي شـي أكيـدي=وارثنها من أبوه ومـن خوالـه
سوق لسهم يالشلي صفر رصيدي=من دخل فالسوق واعزي لحالـه
والإبل راحت على البدو الشديدي=موتت من بعد معطوهـا النخالـه
بس أبو متعب عسى عمره مديدي=عوض أهل البل وكل ٍ قد دعالـه
ختمها مصفاه فاحـت بالعويـدي=بمجلسن فيه النشا ما قـال قالـه

وهذا ردي على الشاعر / صالح بن مبارك المردعي النهدي

مرحبا بموجـه البكـس الجديـدي=من شروره لا شـروره بالرسالـه
كلها كيلو في كيلـو مـا تزيـدي=من جنوب أقصا البلد حتى شمالـه
وكلنا مقيمين يـا لقـرم السديـدي=في شروره مـا طلبنـا الاستقالـه
وأنت خابر قبل توجيـه القصيـدي=عند أبـو هـذال تربطنـا زمالـه
والرياضـة طيّبـه دائـم تفيـدي=دامها متريـن والدعـوى سهالـه
ريّح الفكسار فـي ظـل الجريـدي=وريّح مبارك عسـاه يطيـب فالـه
والله أيحييـك لـو مابـه نشيـدي=الكفـو نفـرح ليـا شفنـا قبالـه
لا نصا ني مثلكم هـا ذاك عيـدي=أتشرف وأعتبرهـا أكبـر جمالـه
ولا برحبّه على مـا هـو يريـدي=سلمنا سلم الرجال أهـل الشكالـه
وكانها فاتت عسا ها مـا تعيـدي=ما دخلني شـك فـي راع الجزالـه
أنت وافي ما يجي منـك الزهيـدي=مير أنا أخشى من كلام أهل النذاله
ينتقـد نـي واحـدٍ ودّه يصيـدي=كلمةٍ يفـرح بهـا لا ضـاق بالـه
ومن بغى يحصل على الدر النضيدي=لازم ٍ يتعب قبـل يطـرح سوالـه
يتعب الأفكـار للمعنـى الفريـدي=ويتخيّر لا نـوى الشعـر وبدالـه
والمعانـي حدهـا سيـفٍ حديـدي=ما تجامل كل مـن يكتـب مقالـه
وأنت تنشدني وأبعطيـك الاكيـدي=جاك مردودي على حسـب الدلالـه
سوق الأسهم ذاب ذوبات الجليـدي=وأكثر العالم تسبـب فـي زوالـه
ما تحمّل صدمة الوقـت العنيـدي=جعل حالك يالشلي ما هوب حالـه
والوكاد إن فيه من هو مستفيـدي=والله أعلم من هو اللي قـد حبالـه
واحـدٍ بيحـا سبـه رب العبيـدي=في نهار ٍ مـا يفيـده كثـر مالـه
والنخالة جـا لهـا دور ٍ جديـدي=عقب الأسهـم كملوهـا بالنخالـه
جددت الأحزان والماضـي يعيـدي=وانتهت بين الصوامـع والعمالـه
كل منهـم يتهـم سـاع البريـدي=ولا درينا وش وراء هـاك الثعالـه
مير أبو متعب عسى حظه سعيـدي=عوّض اللي ماتت أبلـه واعتزالـه
ما قفٍ مـا ينجحـد والله شهيـدي=من تضرر عوّضه وأكـرم إسبالـه
ولو بغيت أعـدد أفضالـه تزيـدي=بعد فضل الرب يـا مكثـر فضالـه
والله أنه يحفظه مـن كـل كيـدي=ويحفظ أخوانه موازين العـد الـه
هم ذرانا هم لنا الـدرع الجويـدي=أسرة آل سعود يـا نعـم السلالـه
والختام أسلم وفسّـر مـا تريـدي=جاك رد اللي ورث عمـه وخالـه
شاعر ٍ يالمردعـي فكـره يجيـدي=كـل طـاروق ٍ يجيـده لا طرالـه

الموضوع الأصلي: ((( سوق الأسهم يالشلي صفر رصيدي ))) | | الكاتب: الحميدي السبيعي | | المصدر: شبكة بني عبس

[ولد الشرقية]

صح لسانك اخوي الحميدي وحياك الله معانا
ومرحبا مليووووووووون.

[البعيد الهادي]

صحت اللسنتكم جميعا"
وبيض الله وجهك على

النقل الاكثر من رائع
تحيآآآآآآآآآآآآآآآتي

[الشاامخ]

حياااااااااااااك الله الحميدي

وصح لسانك وذكرتااااا بسوق الفلس


هاليومين متجه لنزول خطير

لكن الله يكون بالعون

[اسير الصمت]

صح لسانك

اخوي الحميدي وحياك الله معانا

ومرحبا مليووووووووون

[شاعر شاب]

الله يحييك يالحميدي السبيعي

صح لسانك ولسان صالح مبارك وجبتها على الجرح من سوق الاسهم الله لايعيده

سوق الأسهم ذاب ذوبات الجليـدي

وأكثر العالـم تسبـب فـي زوالـه

ما تحمّل صدمـة الوقـت العنيـدي

جعل حالك يالشلي ما هـوب حالـه

والله انك صادق ذاب ورحنا معه الله يعوضنا

يعطيك العافيه والقصيدتين جزلتين وفالكم ارتفاع سوق الاسهم

[مرزوق العجوني]

صح لسااانك ولا هنت اخوي اللحميدي وحياك الله بيننا

وننتظر جديدك

[بدر العرعري]

صح لسانك اخوي الحميدي



ولاهنت

جزله جزله



أخوك :بدر

سلام ..