[بدر الداموك]

السلام عليكم ورحمة الله وبركاته

اخواني و ربعي بني رشيد ومن يحب بني رشيد في هذه المنتديات الشامخه .. يشرفني ان انضم الى هذه الكوكبه من النجوم و الاخوه والاخوات ...واشكر كل من يقوم بهذه المنتديات مع الحب و التقدير للجميع . ...

ابيات اقبلوها بقلوبكم ..
.
.

يا الأنيقة ..الباهـره ..يالفـارع المزيونـه=يا ملامح طفلـة الاحـلام.. يـا بارونـه
جيت لعيونـك وانـا متغـربٍ بأحزانـي=شاعرٍ قد له ثمان سنين تدمـى طعونـه!!
كل اشياءه حزن!! حتـى ابتسامـة سنّـه=يضحك و صدره بكا لأحلامة المجنونـه!!
لا غفت عين الخليّ اللي ماحسّ ب يومـه=تمطر ضلوعة قبل تمطر سحاب جفونه !!
الزمن يقتـل طموحاتـه و صبـره يأخـذ=من ثبات الضلع لا قامت تطيح ركونـه !!
شاعرٍ لا هبّـت الريـح و رقـا بالنايـف=شرّع ضلوعه و فكّ أفكـاره المسجونـه!
بكر منخلقـه و جملهـا بطيـب اخلاقـه=انها اجمل شئ بالانسـان قبـل لحونـه !
(ربع قرن) يجرّب الدنيـا و ياخـذ عبـره=لين روّض نفسـه الصلفـه ولـدّ عيونـه!
عن مخاوا اللاش و المسكيـن و المتكبّـر=طنخةٍ من راسة المطنـوخ ..يالمزيونـه !
وانتي ..الشئ الخيال ..الفارق .. المتباهي=لثغتك... هوسة هدبك ,..أشياءك المركونه!
سالفة عطرك ..جنونك..ضحكتك..و عنادك=كلهـا دنيـا قصيـد و عالـمٍ حنـونـه !
والا انا غريب ضاع العمر في (شيكاقـو)!=و كنها من ضيقة الخاطر ماهـي مسكونـه!
وانتي انتي ..والقصيد الفـارع المتنومـس=طاااح لعيونك يا (بارونه) جديـد مزونـه !!

وسلامتكم .!

الموضوع الأصلي: الانيــقــة ..!! ..الاولى | | الكاتب: بدر الداموك | | المصدر: شبكة بني عبس

[مرزوق العجوني]

صح لسانك اخوي بدر ولا هنت وتقبل مروري