[شاعر العوازم]

سلام لو ان هالمشوار مالي فيه مصلوح= تغانموا هالسلام الزين قبل تروح روحه
بعض الطواريق عندي بالحياه اغلى من الروح=ومن زعل من مقصدي ماني مطالبه السموحه

الموضوع الأصلي: السلام عليكم ورحمة الله | | الكاتب: شاعر العوازم | | المصدر: شبكة بني عبس

[شاعر الثقلين]

أنتظر الرد ياشاعر العوازم من شاعر الثقلين

[هداج تيما]

اقتباس من مشاركة شاعر العوازم سلام لو ان هالمشوار مالي فيه مصلوح= تغانموا هالسلام الزين قبل تروح روحه بعض الطواريق عندي بالحياه اغلى من الروح=ومن زعل من مقصدي ماني مطالبه السموحه

لو ان عمرك يا ابن عمي مثل عمر النبي نوح=ومشيك على غير مصلوحٍ تبا تلحقك نوحه


درب السنع يا طويل العمر للعريف مفتوح=ومن لا يدل السنع تبطي ولا تبرى جروحه

[هداج تيما]

والله يا شاعر الثقلين الرد زرق قبل ادري عنك


السموحه طال عمرك

[شاعر الثقلين]

اقتباس من مشاركة شاعر العوازم سلام لو ان هالمشوار مالي فيه مصلوح= تغانموا هالسلام الزين قبل تروح روحه بعض الطواريق عندي بالحياه اغلى من الروح=ومن زعل من مقصدي ماني مطالبه السموحه

يامرحبا وأنت فاهمها قبل تبدا على اللوح = مسمره في جدار البيت قدامك بلوحه
بعض الطواريق مثل الناس بين الناس ممسوح = وأن عاش عيشة وزا يشكي ويبكي من جروحه

[شاعر العوازم]

يالربع انا ارد على ايكم اتفقوا وعلموني

[خطاف الشعار]

اختلط الحابل بالنابل

[هداج تيما]

انا منسحب طال عمرك


وبعدين لا عاد تترك الطاروق مفتوح


وتروح تطلب الشعراء بصفحات ثانيه غير صفحتك اللي انت فاتح فيها طاروقك


ما شفت الناس يقولون اختلط الحابل بالنابل