[فوزان بن مربح]

يالادمي دنياك ماهي علـى الكيـف=اتطوعـك ماطاعتـك بالسـؤالـي
تقبل عليك بضحكت(ن) كلها زيف=وتكشـر لاضمتك ما تمالي
فيها الدني فيها الردي والملاقيـف=فيها القلق فيها الجشع والزوالـي
فيها الكريم يهان ويعـوّد مخيـف=فيها النشامـا ماتسـاوي ريالـي
فيها البيوت ملفية جار مع ضيـف=من لفها بالعكـس راحـت هيالـي
فيها الفصول اربع لنا منها الصيف=من عقب مانظلـل نـدور ظلالـي
ماعاش به ياغير راع المصاريـف=اللي كسبهـا بالـردى والحيالـي
اهل المراجل والمراجل بالارشيـف=بياعـة ذممهـا تطـول المنالـي
من زود ماله صنف العرف تصنيف=ويشره على اللي ينقـده بالمقالـي
من كبر قلبه صار ماله تواصيـف=يشجعه مثله ضعـوف(ن) رذالـي
فيها الثعل عوّد يـذب المشاريـف=والذيب ملبـد ماعـوى بالطوالـي
مستنكر(ن) وقته وشاف التخاليف=ينصاب لا شاف الغنـم بالجفالـي
فيها الشجاع يهم ويعـوّد معيـف=معقـل(ن) لـو مابيدينـه عقالـي
يقفي يشيل الهم بيـن السراجيـف=ويقـول ياوالـي عليـك اتكالـي
العدل فيها صـار شبـه التناتيـف=الظلم زعـزع راسيـات الجبالـي
ياكيف يادنيـا المتاهـات ياكيـف=تعيش في بطنـك قـروم العيالـي

الموضوع الأصلي: الفصول الاربعه | | الكاتب: فوزان بن مربح | | المصدر: شبكة بني عبس

[ذيب المناخ]

يعطيك العافيه

[عويض بن شامان بن خلف]

ابوحامدصح اللسانك--ونبغاءجديدك

أخوك:عويض شامان بن خلف

[حــزام]

بيض الله وجهك يابو حامد
وصح لسانك
قصيده تثبت نفسها
ولاخلا ولاعدم

[البعيد الهادي]

العدل فيها صـار شبـه التناتيـف

الظلم زعـزع راسيـات الجبالـي

ياكيف يادنيـا المتاهـات ياكيـف

تعيش في بطنـك قـروم العيالـي

صح اللسانك وتعلا شانك وبيض الله وجهك
يابو حامد
قصيده جزله ومن شاعر جزل
ودائم متميز ومبدع
لك مني كل الشكر والتقدير
وتحيييييييييياتي لك

[الشاامخ]

فيها الشجاع يهم ويعـوّد معيـف=معقـل(ن) لـو مابيدينـه عقالـي

يكفي هذا البيت لو لم تكن القصيده كامله

كم انت راااائع ابو حامد

قصيده عملاقه ورااائعه وتستحق الإشاده

من شاعر جميل مثلك ابو حامد

[خاتم الرشيدي]

اقتباس من مشاركة فوزان بن مربح يالادمي دنياك ماهي علـى الكيـف=اتطوعـك ماطاعتـك بالسـؤالـي تقبل عليك بضحكت(ن) كلها زيف=وتكشـر لاضمتك ما تمالي فيها الدني فيها الردي والملاقيـف=فيها القلق فيها الجشع والزوالـي فيها الكريم يهان ويعـوّد مخيـف=فيها النشامـا ماتسـاوي ريالـي فيها البيوت ملفية جار مع ضيـف=من لفها بالعكـس راحـت هيالـي فيها الفصول اربع لنا منها الصيف=من عقب مانظلـل نـدور ظلالـي ماعاش به ياغير راع المصاريـف=اللي كسبهـا بالـردى والحيالـي اهل المراجل والمراجل بالارشيـف=بياعـة ذممهـا تطـول المنالـي من زود ماله صنف العرف تصنيف=ويشره على اللي ينقـده بالمقالـي من كبر قلبه صار ماله تواصيـف=يشجعه مثله ضعـوف(ن) رذالـي فيها الثعل عوّد يـذب المشاريـف=والذيب ملبـد ماعـوى بالطوالـي مستنكر(ن) وقته وشاف التخاليف=ينصاب لا شاف الغنـم بالجفالـي فيها الشجاع يهم ويعـوّد معيـف=معقـل(ن) لـو مابيدينـه عقالـي يقفي يشيل الهم بيـن السراجيـف=ويقـول ياوالـي عليـك اتكالـي العدل فيها صـار شبـه التناتيـف=الظلم زعـزع راسيـات الجبالـي ياكيف يادنيـا المتاهـات ياكيـف=تعيش في بطنـك قـروم العيالـي

ياسلام صح السانك كلها وافيه سجل اعجابي بيض الله وجهك

[مرزوق العجوني]

صح لسانك يابو حامد وتقبل مروري