[شلاش الرقاص]

أضيف لكم هذه القصيدة للشاعر /ابراهيم عليان الرقاص
وهي عبارة عن قصيدة غزلية :

تــمنيتك البــــارح وأنـــــــا دايم أتمناك
ولــــــكني الــــبارح كثير(ن) تمنيتك
بليل(ن)لقيت أعداي غابوا سوا وأعداك
ياليتك معـــــلــــمني عن الوقت ياليتك
أبجلس معك ماغير انا والقـــــمر حلياك
أنا وأنت ياشــــبه الـــــقمر يوم حليتك
اقضي معاك الليل لحظة طــــــرب وياك
يبين الشفق وأنا أفتكــــــر توا ماجيتك
أنا والسهر والصبح واللي تــــــبي يفداك
الا ياسروق القلب بـــــالاسم سميتك
وردد بذاكرتي خيالك ونطـــــــــق اشفاك
وأعيش بسواد عيونك الـــــيا تطريتك
ليا قلت شعري فيك شعر الغزل يزهاك
يدي والقلم وأجمل معانــــــــي ٍباغيتك
أصـورك في معنى القصيد مثل معناك
لو إنك بيوت الشعر جــــــبتك أوديتك
تذكر كم أعطيتك رسايل قصيد(ن)جاك
أخذتك بجوهر بحر شعري وحــطيتك
سويت القصيد وكل ما قيل مايسواك
أنا اللي ليا غــــنيت فيك أستحقيتك
وأنا اللي فهمتك وأحتملت الزعل لرضاك
لو إرضاك يزعل كل من حولي أرضيتك

الشاعر /ابراهيم الرقاص (((ابو فيصل )))
......................................

الموضوع الأصلي: قصيدة لشاعر/ابراهيم عليان الرقاص | | الكاتب: شلاش الرقاص | | المصدر: شبكة بني عبس

[@كحيلان@]

صح لسان شاعرها وناقلها
والله لايهينك على النقل
والله يعطيك العافيه

[البعيد الهادي]

هذا شاعر داهيه ماشأالله
عليه 0 وصح السانه
ويعطيك العافيه اخوي شلاش

[شداد المظيبري]

صح لسانه

ابو فيصل

ولاهنت شلاش على نقلك المميز