[سعد الشقل]

الزلزال

[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]سلام الله عليكم وإحذروا من قوة الزلزال=تراها قوةٍ لا وصلـت الديـرة تدمرهـا
ابا أحذر وابا أنذر وأبا أقول الصحيح يقال=وأبا آحط العرب مابين ماضيها وحاضرها[/POEM]


الاجهر

[POEM="font="Simplified Arabic,5,red,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]هلا يا مرحبابك يالمسلـم والحمـل ينشـال=على ضهور الجمال وف البحر تشلع بواخرها
ليامنك نويت العلم عندي والحـروب سجـال=تمتع فـي زمانـك والحـوادث لاتباشرهـا[/POEM]

الزلزال

[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يدوم الك البقا والحمل برك له ثلاث جمال=ولا حملتهـا بحمولهـا حـاول تثورهـا
جهازات الندا ترسل ولاحدِ يسمع الإرسال=مواردها بعيدة وأنته أبخص في مصادرها[/POEM]


الاجهر

[POEM="font="Simplified Arabic,5,red,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]تقوله وانت ضيف وفي محل رجال يارجال=سلوم جدودنا في صرحنا الشامخ نسطرها
ليامني عرفتـك ياسنافـي حلهـا حـلال=نعبر كل حجه يا سنافـي مـع معابرهـا[/POEM]


الزلزال

[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]أنا ماقلت حاجـة لكـن الشكـة لهـا مدخـال=لكن أبا أنشدك عن عبس ويش يقـول شاعرهـا
أبا أعطيك النصيحة دامك أجهر والدروب طوال=ليـا شكيـت فيهـا صـد عنـهـا لاتكبـرهـا[/POEM]


الاجهر

[POEM="font="Simplified Arabic,5,red,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]انا ماشك فيهـا والمـراوغ حيلـة الانـذال=عطيتك مافهمتـة منـك وانتـه لاتحدرهـا
نبيك اتصير في الميدان وانته من وراء خيال=تستر والتستر بعض الانفـس مـا يقدرهـا[/POEM]


الزلزال

[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]لا بالله مالحقك الشك لكن ماتعرف تحتـال=يازين الستر لو بعض العرب مالله بساترها
تريح لا توهق نفسك وتبلش وتعطى فـال=تراي أشوفك من البارحة وأنتـه تدورهـا[/POEM]


الاجهر

[POEM="font="Simplified Arabic,5,red,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]عليك مخالفة يابـو حمـد لاتقفـل الجـوال=اشوف معاملة تصدر ولا يدرى من يصدرها
هلا بك في مضارب عبس ماهي لعبة الجهال=تواريخ (ن) على وضح النقاء يتعب مسايرها[/POEM]

الزلزال

[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]علامك قمت تضربها مع الغبشة يمين شمال=يبيلك وقت حتى موهبتك آعرف أطورهـا
بقيتي يامضارب عبس وأنت الأعور الدجال=كذا ولاَ كذا تبطي عظـم مانتـه مغيرهـا[/POEM]

الاجهر

[POEM="font="Simplified Arabic,5,red,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]بقينا في مضارب عبس والى من ربوعي شال=على السودان والسودان يسعد من يسافرهـا
صحيح ان الدهر مذكور يومنـه علينـا مـال=لاكـن الحـرار بشايـة الله فـي مواكرهـا[/POEM]

الموضوع الأصلي: الزلزال × الاجهر | | الكاتب: سعد الشقل | | المصدر: شبكة بني عبس