[ابا الخيل]

ابوناصر

ابو ناصر يبي يلعب سلام الله على الحضار=سلام (ن) يبخص الشعار ويفتش معانيها
عسى ربي يجيب الشاعر الى من وراة اخبار=لياقـــلت السنع منية يمشي مــايثنيها

رد ابوذيل

هلابك مرحباَ ترحيب وافي سر ولا اجهار=تعرض لطراقي والذهب داخـل مخابيهـا
تباء تاخذ علوماً طيبه فبدايـة المشـوار=والايحتاج تفزع والرعيه عنـد راعيهـا

ابوناصر

مطالعها ثمينة والله العلام بالسرار=وانا ماعرف عباد الله لين ابحث خوافيها
دقيقة بس من وقتك دقيقة لين اشب النار=وانا ماشب نار الى تحصل مليها فيها

ابوذيل

مدام انك سمعت اوشفت فعيونك فلاتحتـار=عسالله يستـر الاحـوال ويزيـن تواليهـا
حبلة الفخ لااكن صيدته جات اكبر امن الفار=تسرحها طلوع الشمس والمغرب تضويهـا

ابوناصر

كثير الناس لاتاجر ولا يسكت عن التجار=قرادة والقرادة مايعين خير راعيها
ترى دار(ن) مافيها صيد دايم تتعب الصقار=لو يشوف الجرادة قال يارب تحييها

ابوذيل

كربت المحزم اوعديته اشبوحه وعجك طار=تكحل عينك امن الكحل الاقشر لين يعميهـا
انا اشوف الخلوج اتحن وتسكت بجلد احوار=بقايا الكاين اللي كان حي ابهـا يواسيهـا

ابوناصر

ابيك تعجل الممشى ماحب اقصير المشوار=انا عندي مقاضي يوم اخذتك ودي اقضيها
صحيح ان البهايم تنخدع بالريح والاوبار=ولكن البهايم هي واهلها وين اوديها

ابوذيل

علامك ماتبا الوافي وخير البـر ياستـار=وانا ابعذرك كانه من عسر قبلك تلاقيهـا
تراء راع الغنم ماينقل القربه بدون احمار=ولااكن لاتجيب الكلمه اوتبلـش بتاليهـا

وسلامتكم

الموضوع الأصلي: تنسيق محاورت ابوذيل وابوناصر | | الكاتب: ابا الخيل | | المصدر: شبكة بني عبس

[سعد الشقل]

اول شي ارحب بعودتكـ يابو ذيل

وبدايه قويه بعد العوده ..//


وثاني شي اشكركـ على التنسيق الرائع صكيت علي بالتنسيق هههههههه :)

وصح اللسان ابو ناصر القادم بقوه ..//

[رياح الشرق]

صح لسانهم وبيض الله وجهك على النقل

[ابا الخيل]

اقتباس من مشاركة سعد الشقل اول شي ارحب بعودتكـ يابو ذيل وبدايه قويه بعد العوده ..// وثاني شي اشكركـ على التنسيق الرائع صكيت علي بالتنسيق هههههههه :) وصح اللسان ابو ناصر القادم بقوه ..//

صح بدنك والشكر موصول لك
لااكن المهم ان العمده طاردني من الحزب وابيك توسط لي هههههههههههههههه

[ناصر الفلاح]

صح لساان قايلها

وتنسيق رائع