[سارة الرشيدى]

افندينا أنعم علينا بعلاوة
............ ... ...

افندينا أنعم علينا بعلاوة

تجيب كيلو جبنة وعلبة حلاوة

آتاري العلاوة مجرد أتاوة

و احنا علينا الكلام اختلط

*****

عشان في البداية حسبناها خير

و قلنا نواية حتسند يا زير

و حسنة حتمنع بلاوي كتير

و كنا حقيقي في غاية العبط

*****

في لحظة افتكرنا ان لينا حقوق

و نمنا و صحينا لقينا الخازوق

و قبل اما حتى يا عالم نفوق

لقينا اللي لسه حناخده اتشفط

*****

أفندينا يعني في لحظة تجلي

تعطف تلطف و قرر يخللي

مساحة الغلابة تزيد ستة مللي

و ياكلو بدال التراب الزلط

*****
أفندينا أعلن صدور القرار

و قبل اما ينجح في أي اختبار
فوجئنا بزفة و مولد و زار
قصايد جرايد برامج يفط

*****
تؤكد بأن الحكومة بذكاء

و من حزمة واحدة قضت ع الغلاء

و لابد يبقى لدينا انتماء

و ناكل و نشرب و نلبس خطط

*****
عبال النمو اللي قالوا عليه

و حايشينه عنا منعرفش ليه

ماتلمح مكانا في مرة عينيه

و نقدر ندوق منه حتى نقط

*****

مادام كل حاجة تمام ع الورق

مفيش أي داعي عشان القلق

و لو مش مصدق خلاص اتفلق

ورقنا اللي صح وكلامك غلط

*****

و قاللي مواطن عليم بالخبايا
أفندينا قرر تزيد الجباية

عشان شعبه جاحد قليل الرباية

بياكل و ينكر زي القطط

*****اذا الشعب صدى بفعل البارومة

حتعمل حسابه ف ايه الحكومة

وهي اللي جاهزة بكرباج وشومة

عشان لوفي واحد في عقله اتخبط

*****

الموضوع الأصلي: قصديدة شعرية اجتماعيه ( افندينا أنعم علينا بعلاوة ) | | الكاتب: سارة الرشيدى | | المصدر: شبكة بني عبس

[االعويمري]

الله يعطيكى العافية اخت سارة وبصراحه قصيده اجتماعيه جميله وتعالج مشكله
وتقبلى مرورى

[الضرغام]

عشان شعبه جاحد قليل الرباية


الاخت // ساره


لم أفهم القصد ... وبكل صراحة مدري وش تتكلمين عنه

[مشعل الفهد]

الله يعطيكي العافيه

[الـشـقـاوي]

الله يعطيك العافية

اختي سارة

تقبلي مروري


خيك


الـــشـــقـــاوي