[محمدالذيابي]

الضيقة اللي بالمحاجر سجينه
والله ما اذرفها ولو تعمي العين
والضيقة الي في خفوقي دفينه
مرت عليها في قبر همي سنين
ماغرني وقتي بيسرهـ ولينه
ولا ذلني لا اقفى عن اليسر واللين
راضي على حالي ونفسي ذهينه
وبيني وبين الناس حد وقوانين
ما افرد شراعي فوق متن السفينه
تبحر بي الدنيا ولا ادري على وين؟!!!!!!!!!!
احفظ مقام القول عن ناقدينه
وليا نويت الهند وجهت للصين
اشوم عن غيري ليا شفت شينه
واصوم عن مجلاس قوم(ن) سفيهين
اسكت ادب والصمت وقت الغبينه
اقسى من الطعنه بلدغ الثعابين
لكن تمسكني حبال السكينه
واصبر واصابر والصبر فيه ثنتين
قيد(ن) على هم النفوس الحزينه
وسيف(ن) على رقاب العداة الشميتين
بالطيب تربطني علاقة متينه
وادري رفاق الطيب صاروا قليلين
وين الرفيق الي تشيلكـ يمينه
اليا كثرت حولك رحاة السكاكين
ماكل من صافحك كفه حنينه
ولا كل من جافاك ينوي لك البين
احذر من الصاحب وعشرة سنينه
اكثر من اعداك اللداد البعيدين

الموضوع الأصلي: أقسى من الطعنه بلدغ الثعابين | | الكاتب: محمدالذيابي | | المصدر: شبكة بني عبس

[عبد العزيز]

صح لسان شاعرها وسلمت يد ناقلها

مشكووور يامحمد على نفل كل ماهو مميز
وهذا يدل على ذوقك الراقي ^_^

[ادري طيبتي غلطه]

الله يعطيك العافيه على اختيارك الجميل ونقلك المميز

وين الرفيق الي تشيلكـ يمينه
اليا كثرت حولك رحاة السكاكين
ماكل من صافحك كفه حنينه
ولا كل من جافاك ينوي لك البين


وصح لسااااااااااااااان شاعرها

[محمدالذيابي]

شاكر مروركم

دمتم كما تحبون

[صقر المشعلي]

صح السانك ابيات راقيه وذوق رفيع وعتبرها من عيون الشعر وتقبل مروري مع تحيا تي

[محمدالذيابي]

شاكر مرورك أخوي صقر المشعلي

يعطيك العافيه

[عادل بن هون]

رائعه يامحمدنتمنى معرفة قائلها

[محمدالذيابي]

مرورك شرف لي ياأبو مبارك
والقصيده منقوله طال عمرك ولاأعلم من قائلها