[مطلوب تغيير اسمه]

الموال :سبحان رب السماء والارض سبحانه
مستورالعصيمي:

ياتركي اسمع كلامي روح في حالك
لاتشري الغلب بيجناحك وبريالك
ياصغير السن في عقلك يورالك
سبحان رب السماء والارض سبحانه
يامدبر يامعين*&*علم الي مادرا

حمدان العصيمي:

اليل يافيصل العيه سرا ليلك
المعركه حاميه وقف على حيلك
ياويل تركي وكذلك انت ياويلك
سبحان رب السماء والارض سبحانه
اسمعوا ياحاضرين*&*ابتدا رد البراء

تركي2000:

عقلي دليلي وانا ماني بمتحير
لكن مستور تالي الوقت تغير
صحيح شايب لكن عقله الصغير
سبحان رب السماء والارض سبحانه
وين يامستور وين*&*قدمي لاترجع وراء

فيصل الرياحي:

المعركه توها باول مراحلها
والي مايعرف مراحلها لا يدخلها
نبغا الروؤس النواويه نشغلها
سبحان رب السماء والارض سبحانه
اربعه ولا اربعين*&*مايذريكم ذراء

مستور:

ماني بالظالمك روح دور الظالم
لاتتهمني وانا منته تبك سالم
وانشد من الناس غيري والله العالم
سبحان رب السماء والارض سبحانه
اقضب الدرب اليمين*&*والوعد ام القرى

حمدان:

الكل ياصاحبي واقف على ساقه
والراس يخضع ويعرف موس حلاقه
والباب مقفول لاتنقز مع الطاقه
سبحان رب السماء والارض سبحانه
مدح من جنب اليمين*&*في مشايخ واومراء

تركي :

انت علومك على الوجهين ممشاها
لاكن طالع حدودك لاتعداها
ويصير لك ساعتن ماعاد تنساها
سبحان رب السماء والارض سبحانه
تدري انا جاهزين*&*وانت بعيونك تراء

فيصل:

عان القمر فوق يا سريع انا القمراء
لاكن لاتخلط البيضاء مع السمراء
كيف القيامه وكيف اياتها الكبرى
سبحان رب السماء والارض سبحانه
وين ياحمدان وين*&*يالغصين الاخضراء

مستور:

يامطير ياهل الشجاعه والشهاميه
اكلتو البيضتين اكلتكم الحيه
لاخير فيكم ولا في فيصل العيه
سبحان رب السماء والارض سبحانه
اعرفك يابا الحصين*&*يالحصين الازهراء

حمدان:

نور القمر يالرياحي نور الديره
لكن ياجارنا ياطيب الجيره
وقت مانعرف خياله من معاصيره
سبحان رب السماء والارض سبحانه
من قديمات السنين*&*خابرك عقرب ثراء

تركي:

من يوم هذا العصيمي طول لسانه
ياصحابن ياعتيبه مالكم خانه
بالله كم واحد رحتو بحذيانه
سبحان رب السماء والارض سبحانه
لو يطولن السنين *&*هرجكم تحت الثراء

فيصل:

مادام حمدان ماشي معي فاذمه
اكيد ماهو بعاصيني وانا عمه
شاعر وطيب بعد وخفيف دمه
سبحان رب السماء والارض سبحانه
بايعونا ياثنين*&*فارضين السيطره

مستور:

حذيانكم يامطير قرطو فيها
لاحدن على الدرب لعتيبه يخليها
معروف حاضر ليالينا وماضيها
سبحان رب السماء والارض سبحانه
بين حين وبين حين*&*وانتحى اليل وسراء

حمدان:

ترى الفلك ياوسيع المعرفه جاري
يالي تعمعم ترى عمن على غاري
اما على حضرمي ولا على مطاري
سبحان رب السماء والارض سبحانه
انت يافيصل فطين*&*غن وعيونك تراء

تركي:

تراء السوالف يوثقها موثقها
وامطير مافوقها الا وجه خالقها
وانته وش الي تريده يوم تسرقها
سبحان رب السماء والارض سبحانه
لو تجرون الونين*&*فالسواليف اخبراء

فيصل:

ياعاقل المره الركد لاتخربها
يلحك شرهه من الحيه وشاربها
انته ياحمدان نق وعطني اطيبها
سبحان رب السماء والارض سبحانه
وقفو يامسرعين*&*ولع النور احمراء

مستور:

احسب حسابك ليا ىمريت ابو سدره
الاوله صافيه والثانيه تدره
لاتسحب الخيط ثم يجيك بالابره
سبحان رب السماء والارض سبحانه
العن ابليس العين*&*عندنا رد البراء

حمدان:

حنا رياجيل ماعشنا على الفوضه
واحبال الاصحاب مفتوله ومنقوضه
لكن رح علم الاطفال فالروضه
سبحان رب السماء والارض سبحانه
افلحو ياطيبين*&*صاحبي وش احتراء

تركي:

اعرف ردي العرب واعرف طيبها
وان كان عندك علوم ثانيه جبها
دروس الايام ماغيرك مجربها
سبحان رب السماء والارض سبحانه
اخذ مني كلمتين*&*لاتجي حول الزرا


مــــنــــــقـــــولــــه

الموضوع الأصلي: رباعيه ناريه منقوله | | الكاتب: مطلوب تغيير اسمه | | المصدر: شبكة بني عبس

[ابوبيادر]

الله يعطيك العافيه على الرباعيه الطيبه وماقصرت

[فهد المويسه]

مشكور على نقل هذي المحاوره الرائع

والله يعطيك العافيه

وتقبل سلامي