[رشيد]

أحد ليا منك نخيته تحزم

يعطيك ما تملك من الخير يمناه

أنشهد أنه مثل مزن ترزم

مزن على روس الفيافي نثر ماه

يالله عسا من جور الأيام يسلم

الصاحب إللي ما حصينا سجاياه

من دون كل الناس غالي محشم

الطيب أبه طير ركن يم مرباه

و احد لا منك نخيته تلعثم

يحسبك تطلب غالي من محياه

يوم الزمن عكر ودبر وغلدم

بان الرفيق اللي تردا بممشاه

اللي عطا يأخذ وكلش مقسم

مجاك ينحا للكفوف المحناه

والصبح يجلي عتمة الليل الأظلم

وجعل الردى ما ينثر الورد مفلاه

الطيب يا إبراهيم نبت مقدم

لو مات راعي الطيب يعيش ذكراه

عقب الظما لا بد ما نارد الجم

وروي ضما كبدي بعد ذبلة إشفاه

الحمد لله زال عن صدري الهم

وأرتاح قلبي من عنا هم دنياه

تمت وصلوا عد ما طق ميسم

على النبي وإعداد ذكره وطرياه




كاتب القصيده وأسمها :

الطيب نبت مقدم
للشاعر / ناصر بن عبدالعزيز الجبر

الموضوع الأصلي: الطيب نبت مقدم | | الكاتب: رشيد | | المصدر: شبكة بني عبس

[حــزام]

بيض الله وجهك اخوي رشيد
وصح لسان الشاعر ناصر الجبر
قصيدة جزله وتثبت نفسها
ودايم نقلك مميز بدون مجاملة
ولاخلا ولاعدم

[رائد الذيابي]

تسلم يمينك على النقل

وصح لسااااان الشاااااعر



أصبت بالاختيار


وليس بغريب على قلمك التميز والرقي



تقبل مروري

[رشيد]

بيض الله وجيهكم

صح لسان شاعرها ولاهنتم