[ابو محمد العريض]

توطي يا زمن بشويش في جرحه ولا تاذيه
ولولك عالــقدى مقدور لا تلهب توجـّاعه
فديتك يازمن راعه وخذ من طيبتك واعطيه
ولا تقسى على قلبه كـــفايه هاجس راعه
زوادي قلة الحيلة ولا عنــدي فدى وافديه
ولوهي جات عالرغبات له سمـعٍ وله طاعه
ولكن يازمن تكفى قبل تبـدا تـــــناظر فيه
وتاخذ من رضا عينه قبول يهـكّب أضـــلاعه
متى لك يا زمن راحة عشـان نحاول نصحّيه
ونطفي قد ما نقـدرحـــرايق لايــــــــع لاعه
متى لك شيمة الهكبة ترا اللي صابه يكـفّيه
مناي اشــوف بسماته وبهـــــجة فلة شراعه
عساها يا زمن بدري ذبحنا الوقت نسـتــنيه
متى ما غادرت لحظه تسمـــرّنا على الساعة
سلامة قلبه الطاهر عسى الصدمات ما تاتيه
عسى ما ينكسف بدر ملانا شوق بشعـاعه
حلفت ان كان صحيته وعادت بسمـــته لاجيه
بقلب فاقت اشواقه حـــــــــدود اول تـولاعه
حلفت اسامر فؤاده واطيب خاطره وارضـــيه
وادور في فضا روحي مضــــامين لتمتاعه
والبي له على الطلبة ولو ما يطــــــلب البيه
لاوامر رفّة عيونة تطير اعضــــــــاي فزّاعة
سلام الله على قلبه على روحه على طارية
على ترنيمة أخلاقةعلى لبـــــــيه والطـاعة
ترفق يا زمن تكفى وقدّر صـــغره وراعيه
وقل له كلنا حــوله رهاين دقّة صبــــــاعة

الموضوع الأصلي: الى قلوبكم مع الاعتذار | | الكاتب: ابو محمد العريض | | المصدر: شبكة بني عبس

[عمران]

مشكور يابو محمد طول اللة عمرك

[بنت النور]

مشكور يابو محمد على النقل قصيدة حزينة

[ابو محمد العريض]

مشكور اخوى عمران على مرورك


تحياتى

[ابو محمد العريض]

مشكورة بنت النور مرورك يشرفنى

[حــزام]

بيض الله وجهك اخوي ابو محمد العريض
قصيده معبرة وصورة محزنة
صح لسان شاعر القصيده
ولاخلا ولاعدم

[ابو محمد العريض]

مشكور اخوى ذيب الحجاز على مرور



تحياتى

[ادري طيبتي غلطه]

حلفت ان كان صحيته وعادت بسمـــته لاجيه
بقلب فاقت اشواقه حـــــــــدود اول تـولاعه
حلفت اسامر فؤاده واطيب خاطره وارضـــيه
وادور في فضا روحي مضــــامين لتمتاعه



قصيده رائعه ونقل اروووع تقبل مروري