[مبارك نافع]

مشرفي ومراقبي واعضاء وزوار دواوين شبكة عبس اضع بين ايديكم هذه المحاورة التي جرت بين الشاعرين الكبيرين الشاعر هدي نافع المهيمزي والشاعر فوزي مربح-
نبذة مختصرة عن الشاعر هدي نافع المهيمزي هو شاعر شاب يمتلك قوة البيت وجزالته وسرعة البديهة وعمق المعنى- وقد لعب مع الكثير من الشعراء-ومنهم –سلطان الهاجري- بكر الحضرمي-نواف العازمي-عوض الله ابو مشعاب-اخو سلمى –رشيد عنيزان ابو معدي-سليمان عايش-عيد مربح-سعيد القحم-عبدالله العصيمي-عبدالله الاشرم-اسوار الذهب-سالم معزي-ضيف الله خضران-ذيب الاكلبي-والكثير من الشعراء

فوزي-

قالوا الموال قلنا صار صار
ياجماعة ماعلى الدنيا قرار
تالي الايام صعب الاختيار
والبنادم تحت حكم الله يسير
سلام الله سلام الشاعر اللي يعرف الشعار
وزيدوا صف للموال والعملة سعودية
ياهدي لازلت توك ياهدي
انت لاقدمي ولانته ببعدي
مير سولف واندفع لا ياولدي
والبنادم تحت حكم الله يسير
من اول ماحسبتنك وشفتك تلفت الانظار
ولكن وشهي الاحوال والعملة سعودية


هدي-

ياجماعة خير زيدونا صفوف
تعبت الرجلين من كثر الوقوف
والعيون تشوف مدري وش تشوف
والبنادم تحت حكم الله يسير
هلا يامرحبا ترحيبتن تكفي عن اهل الدار
لها مخرج لها مدخال والعملة سعودية
انت يافوزي معك علمن جديد
مير فكر بالقريب والبعيد
واعرف ان الله يدبر مايريد
والبنادم تحت حكم الله يسير
ليا طاح المطر زان الربيع وكثرة الازهار
وراح الوقت والامحال والعملة سعودية


فوزي-

كان تبغى تندفع هيا معي
وانت اضنك لك سموعن تسمعي
لاتناوحنا بعيد وتدعي
والبنادم
ترى الملاح يبغى يكسب الخبرة من الطيار
وروح لايصير اشكال والعملة سعودية
هل دريت ان الرجال الها حقوق
كل رجالا حوى فنن وذوق
لا ضواك الليل ياسواق سوق
والبنادم
انا بهرج معك واصرف لك الدينار بالدينار
توقع ضربة الخيال والعملة سعودية


هدي-

والله اني مانويت امشي معك
ليش تتبعني وانا ليش اتبعك
كل ماصليت سبح بصبعك
والبنادم
انا البارح بغيت اكلمك بالهاتف السيار
واثرك مسكر الجوال والعملة سعودية
الموال محذوف

الايا ناسي الماء قرب البنزين عند النار
ترى بالوجه حبت خال والعملة سعودية


فوزي-

لاتروح بعيد تاكلك الذياب
يالغليم هيد يامال الذهاب
دامتنك ياولد سكرت باب
والبنادم
انارجال لي نظرة ولي مخرج ولي مدخال
لقيتك ياوسيع البال والعملة سعودية
لاتقلدهم وتلبس بنطلون
انت رجلا ماتغيرك الفنون
انطنخ بالثوب الاشهب والزبون
والبنادم
سلوم المملكة والمملكة فيها رجال خيار
ولدكم لايروح لحال والعملة سعودية


هدي-

ليش بدلت البنية بالعجوز
ياطويل العمر والله مايجوز
ليش يافوزي تحسبنك تفوز
والبنادم
الك مني وعلي اني لامشيها ثلاث امرار
سمعت العلم يارجال والعملة سعودية
خل زين العابدين ابن علي
الله الوالي ولاغيره ولي
ياوجودي ياسنين الفيصلي
والبنادم
يافوزي ربك اللي في يديه الاجل والاعمار
ولاينفع كثير المال والعملة سعودية


فوزي-

انت وش علمك على الفوزة عجل
لاتحسب المعرفة فرة حجل
قلتله هلون وضعك قال اجل
والبنادم
ولكن لاتكثر حيلتك يالثعلب المكار
عليك الحل والترحال والعملة سعودية
خل ذاك وخل ذاك وخل ذاك
ياطويل العمر مدري وش بلاك
ياهدي ياقشر جفال اليا ابتلاك
والبنادم
وانا اقول الذبيحة عندنا ناضع لها شنكار
تحصل فال والاعقال والعملة سعودية


هدي-

لاتخلينا انتصبر واحتريك
دس على البنزين لاتاطى البريك
كل مجاء منك مردودا عليك
والبنادم
على راسك بريهن كوكتيل ولا عليه شعار
نبي نضربك الامثال والعملة سعودية
انت وشبك ميتن جوع وضماء
لان ماعنك سنون ولاجماء
ان جفتك الارض روح للسماء
والبنادم
اناعارف جحى يزعل ليا ضيع عليه حمار
عسى فالك ماهو لي فال والعملة سعودية


فوزي-

لو ادوس يروح عقلك مايجي
انت رجلا لك دخول ومخرجي
للقشر ياهل البشر لاترتجي
والبنادم
نصحتك وانت اشوفك جيت جيت مطفي الانوار
تبي تسرع وتصدم جال والعملة سعودية
اترجى الغيث ياربي تجيب
وانت رجلا لابعيد ولاقريب
باقيلك وقت باقي يالحبيب
والبنادم
واضن اجحى مع ابونواس قام يكثر الاعذار
ولكن لايطول اجدال والعملة سعودية


هدي-

اول المشوار ادلك وانصحك
انصحك لله ماودي اجرحك
واخر المشوار اسمي واذبحك
والبنادم
انا مابيك تنصحني مدام اللعب لعب قمار
من العقال والجهال والعملة سعودية
طيع شور الله وشوري تستخير
لومعك جنحان والله ماتطير
يامديرا طامعن رتبة وزير
والبنادم
والا ياهل الحليفة شغلوا صفارة الانذار
ترى باق الخطر مازال والعملة سعودية


فوزي-

لاعطيتك هرج لاترده علي
انت ذكرك بالكتاب المنزلي
لاتهوم ونبتليك وتبتلي
والبنادم
هرجنا معك لكنك مشين جيرتك ياجار
ليا ضقنا غدا رحال والعملة سعودية
لاتجي للقوم ياراع الغنم
انت خلك من صفيط ليا العلم
هل دريت العلم عندي لالزم
والبنادم
لك الله ماتحصل خير لو اطول المشوار
ولكن نزل الفنجال والعملة سعودية


هدي-

الكتاب المنزلا فوق البشر
ماذكربه غير مهدي المنتضر
وانت يافوزي تصنت للخبر
والبنادم
والا ياجار كنه ضايعلك من ورانا ثار
فتحت اذنيك للعذال والعملة سعودية
مانت عارف خيرهم من شرهم
كان ماضروك كيف تضرهم
ياطويل العمر ليش تمرهم
والبنادم
الاوجوك اللي فيه مع طول السنين غبار
وهذي سبة الاهمال والعملة سعودية


فوزي-

ست ماتساوي سبع ياهل دريت
تو جاك العلم مني كنبليت
انت شاعر بازمن بعت وشريت
والبنادم
الامكثر جرادن طاح يابو زيد وسط النار
سنينن يشعلن اشعال والعملة سعودية
انت جيت بدربنا ياصاحبي
ان حداك الوقت في سد اشنبي
لا تحمس لا تحمس وش تبي
والبنادم
دخيلك لاتسولفلك علومن مالها معبار
وروح وزين الاعمال والعملة سعودية

الموضوع الأصلي: محاورة بين هدي نافع وفوزي بن مربح | | الكاتب: مبارك نافع | | المصدر: شبكة بني عبس

[شاعر بني عبس]

الله يعطيك العافيه على النقل الراقي
شكرا لك
تقبل مروري ولك ودي

[عبد العزيز]

صح لسان الشعراء

ومشكور على النقل

اسمحلي بالنقل للقسم المناسب

[ثامر بني عبس]

بيض اللله وجهك ومشكوووووووووووووووووووووووووور

[مبارك نافع]

اقتباس من مشاركة شاعر بني عبس الله يعطيك العافيه على النقل الراقي شكرا لك تقبل مروري ولك ودي

شاعر بني عبس شاكر مرورك وبيض الله وجهك

[مبارك نافع]

اقتباس من مشاركة عبدالعـزيز صح لسان الشعراء ومشكور على النقل اسمحلي بالنقل للقسم المناسب

شاكر مرورك يامشرفنا الرائع

[مبارك نافع]

اقتباس من مشاركة ثامر بني عبس بيض اللله وجهك ومشكوووووووووووووووووووووووووور

وجهك ابيض ياثامر بني عبس وشكراً للمرور

[تأبط شراً]

بيض الله وجهك يامبارك على تنزيل المحاورة الرايعة
بين شاعرين من الشعراء المعدودين بالقبيلة وعلى
الساحة الشعبية