[نواف العوض]

هذة ابيات من كتاباتي اتمنى ان تنال على اعجابكم

لـيـتـك تكفـيـنـي ومـاحـتـاج غـيــرك
يـال الاسـف خليتنـي بحـاجـة الغـيـر

ليـتـك تـجـود فــي مسابـيـق طـيــرك
قبـل يطـيـر وينـسـرق مـنـك الطـيـر

هـذا انــت بيديـنـك تـقـرر مصـيـرك
وانا صبرت ومن صبر يبشر بخير

لاتـعـتــذر لــــي كــثــر الله خــيــرك
وقتي مع اللي قصـروا فينـي قصيـر

لانـتـه سفـيـر لــي ولانــي سـفـيـرك
الله معـك ماعـاد انـا مواصـل السيـر

مـــع الـسـلامـة يـســر الله عـسـيــرك
وقت الضحى ماشاقته حزة عصيـر

نواف العوض

الموضوع الأصلي: يال الاسف خليتني بحاجة الغير | | الكاتب: نواف العوض | | المصدر: شبكة بني عبس

[ابو محمد العريض]

مشكور اخوى نواف


ولى الامام بنتضار جديدك

[كهل الصباء]

أخوي نواف؟
يسعد صباحك.

لـيـتـك تكفـيـنـي ومـاحـتـاج غـيــرك
يـال الاسـف خليتنـي بحـاجـة الغـيـر
بداية مباشرة وقوية بنفس الوقت.

ليـتـك تـجـود فــي مسابـيـق طـيــرك
قبـل يطـيـر وينـسـرق مـنـك الطـيـر
بعدما يطير الطير لن يتعرض لحالة السرقة....بل ربما يتعرض للضياع...فلو قلت:قبل يطير أو ينسرق...لصح المعنى.

هـذا انــت بيديـنـك تـقـرر مصـيـرك
وانا صبرت ومن صبر يبشر بخير
هالبيت روعة...سجل إعجابي فيه.

لاتـعـتــذر لــــي كــثــر الله خــيــرك
وقتي مع اللي قصـروا فينـي قصيـر
البيت إبداع غير طبيعي...إبداع شاعر متمكن بمعنى الكلمة.

لانـتـه سفـيـر لــي ولانــي سـفـيـرك
الله معـك ماعـاد انـا مواصـل السيـر
إبداع...

مـــع الـسـلامـة يـســر الله عـسـيــرك
وقت الضحى ماشاقته حزة عصيـر
وقت الضحى ما شاقته حزة عصير؟
تدري كم يحمل هذا الشطر من إبداع وتأويل؟
والله العظيم حكمة هالشطر!

الله يوفقك يا نواف....عز الله إنك كفو....سجل إعجابي بهالقصيدة.


دمت بووووووود

[ابوطافش]

تسلم على النقل وصح السان الشاعر

[نواف العوض]

يسلملي مرورك ابو محمد

[نواف العوض]

كهل الصباء بيض الله وجهك على المرور وتسلم يمينك يالغالي على الانتقادات الرائعه والتوجيهات السديده

[نواف العوض]

ابو طافش مشكور على المرور
لكن هناك ثمة ملاحظه يالغالي الابيات من كتاباتي وتنشر لاول مره

[مرزوق العجوني]

صح لسانك اخوي نواف وتقبل مروري