[الاجهر]

قصيدة الجمس
راكب اللـي مـا تجيبـه وكالـة بالبيـد
ولا يجيبه بهبهانـي ولا وضيحـي قطـر
ادهمٍ وسم الجميـح علـى جنبـه جديـد
مهبل اللي يوم عـرض يحسبنـه شفـر
جمـس شكمانيـن ملقبيـنـه بالولـيـد
من سرابه ما يغبـط القصيبـي والجبـر
كاتبينٍ فـي ضمانـه حديـده مـا يبيـد
تمـرةٍ قـاري عليهـا حفيـد ابـو بكـر
كن وجهه لا نطحته تشعشع صبـح عيـد
وان قفيته كنـه السيـل لا سـال وحـدر
وان عرضلك في مزاياه من عنق الفريـد
وان ركبته تحسبنك علـى سطـح القمـر
دقته نغمـة عبـادي علـى سلـم فريـد
لا عزف الاول وجاوب على عاشر وتـر
لا شتغل قالـت شكامينـه اركـد ياحديـد
والقـزوز تقـول للقـاع روح يـا فقـر
كن في الشكمان الايمن صدى عبد المجيد
وكن في الشكمان الايسر صدى نايف صقر
والبلوف تقول للكهربه هـل مـن مزيـد
والسيور تقـول للمروحـه ايـن المفـر
تحت كبوته مـن الفـن طيـران وعبيـد
ما يغنـون المسافـه ولا طـال السفـر
كل اغانيهم على الـدرب واصـل ياعنيـد
لين تلفي قصر شيخ على العليـا شهـر
سايقه من صلب ربعي وله بـاس شديـد
ما يخاف البعد والليـل والمـوت الحمـر
من صناديد ال عرجاء هل العلـم الوكيـد
لابةٍ من جن تمشي علـى هيئـة بشـر
الشاعر ضيدان بن قضعان

الموضوع الأصلي: قصيدة الجمس | | الكاتب: الاجهر | | المصدر: شبكة بني عبس

[ابو محمد العريض]

لين تلفي قصر شيخ على العليـا شهـر
سايقه من صلب ربعي وله بـاس شديـد
ما يخاف البعد والليـل والمـوت الحمـر
من صناديد ال عرجاء هل العلـم الوكيـد
لابةٍ من جن تمشي علـى هيئـة بشـر



مشكور اخوى الاجهر



صح السان الشاعر ضيدان