[بندر نواف]

ياروض عشب زاهي بالنواير=هيضت قلب المهتوي للأغاني
وسيلت دمع العين في تالي عصير =وذكر تني باللي غلاه.. إحتواني
راعي الرموش الناعسات المفاتير =ولاني، ولاني.. منكر إنه ولاني
يومه قبالي يمسح الدمع ويشير =صوب المغيب.. وقال: إسمع تراني
أخاف من بكره لو يصير مايصير =إن غبت عنك غصب.. تنسى حناني
وأقول له: غير هالحكي، وش غير؟ =ويقول: ماغيره.. ولاشيء ثاني
وأرخى هدب عينه وهلن محادير =وتمتم.. نهيت القلب عنك وعصاني
حاول يداري دمعته صاحبي مير =إخنقته العبره.. وصد وبكاني
وده يعبر مالقى أي تعبير =ونفس الشعور اللي إعتراه إعتراني
قلت: أنت صاحي؟ قال: حكم المقادير =دونك وقف حظي وعاثر زماني
حاولت أجامل قلت: يمكن لنا خير =ويالصوت صاح.. الخير توه جفاني
حدي بشوفه يوم شقق أزارير =ثوبه، وأنا الأهات هزت كياني
مالك عن المقسوم لو إنك تطير =مالك عن المقسوم.. يالمودماني

بندر نواف الرشيدي

الموضوع الأصلي: ولاني ، ولاني.. منكر إنه ولاني ! | | الكاتب: بندر نواف | | المصدر: شبكة بني عبس

[نافع دميات الدريبي]

الله يعطيك العافيه
ومشكوووور

[بندر نواف]

اللة يعافيك أخوي ولاخلا وعدم

[نافع دميات الدريبي]

شكرا اخواني

[عبدالله المظهور]

المتغبي

صح لساااااااااااااان الشاعر بندر نواف الرشيدي
على هذه القصيده الجميله التي اجاد في صياغة
هذا الحوار بينه وبين حبيبته ، حوار جميل ومحادثه رائعه .

تقبل تحياتي .

[يوسف العجرمي]

صح لسان الشاعر "بندر نواف الرشيدي"

لك تحياتي وخالص ودي عزيزي "المتغبي"

تقبل مروري ودمت بود

[مرزوق العجوني]

صح لساااان بندر نواف ولا هنت على النقل اخوي

[بندر نواف]

اقتباس من مشاركة عبدالله المظهور المتغبي صح لساااااااااااااان الشاعر بندر نواف الرشيدي على هذه القصيده الجميله التي اجاد في صياغة هذا الحوار بينه وبين حبيبته ، حوار جميل ومحادثه رائعه . تقبل تحياتي .

أخوي عبداللة المظهور شكراً لمرورك وتعليقك االرائع
ولاخلا ولاعدم