[بندر الذيابي]

السلام عليكم ورحمة الله وبركاته

اخواني انشالله الجميع بألف خير

هذه فكرة مسابقه القصد من ورائها تحميس الاعضاء وادخال روح المنافسه الشريفه بينهم

الفكره هي:

علي كل عضو ان يختار قصيده شعريه تعجبه ويري فيها انها من اجمل القصائد وليس شرط ان تكون من قصائده فالمجال مفتوح لاختيار القصائد من اي شاعر بالساحه الشعريه ينزلها هنا بهذا الموضوع ويجب ان يتبع الشروط الاتيه :


شروط المسابقه :
1/تنسيق القصيده ( اذا كان العضو لا يعرف للتنسيق فهذه مهمة المراقبين)

2/يمنع منع باتا الكلام او الشكر الخ لا يكتب هنا الا القصيده فقط واسم شاعرها

3/اذا كان هناك عضو سبقك في تنزيل القصيده يجب عليك اختيار قصيده اخري والا سوف تحذف ونأخذ بالاولويه


بعد مضي مده معينه تتراوح بين الاسبوعين او ثلاثة اسابيع يتم نقل هذا الموضوع الي منتدي المشرفين لكي نقوم بالتصويت فيه وبعد الترشيح:


1/ يتم تنزيل موضوع يختص بالاعلان عن الفائز

2/يطلب من الفائز تنزيل القصيده الفائزه بالمسابقه في موضوع مستقل ويتم تثبيتها شهر كامل



وبعد شهر تتجدد المسابقه ويتجدد الفائز

والمسابقه مسموح فيها مشاركة الجميع من اعضاء واداريين ومراقبين ومشرفين

ونعدكم بعد التطرف وان نلتزم الحياد في التصويت



تمنياتي للجميع بالتوفيق



تحياتي


بندر الذيابي

الموضوع الأصلي: مسابقه شعريه ل اعضاء منتدي عنتره العبسي | | الكاتب: بندر الذيابي | | المصدر: شبكة بني عبس

[أنكسارحلم]

مشكور اخوي بندر على هذه الفكره
وهذي مشاركتي الاولى لهذا الموضوع

وقلـبـي الـلـي مــن جمـيـع النـواحـي=كـثــرة تفـاكـيـره وكـثــرة هـجـوسـه
قلبـي كمـا قــدرٍ عـلـى الـقـز فـاحـي=والنفس من بعض الظروف محموسـه
احيـان يــذن مــذن الفـجـر صـاحـي=كـنـي مـريـضٍ موجعـاتـه ضـروسـه
واسبـاب مـابـي مـثـل ســمٍ ذحـاحـي=دنـيــاي بعـيـونـي عـلــي معـكـوسـه
وصبري على الدنيا واهلهـا سلاحـي=عــلاج ضيـقـه بالضمـيـر مغـروسـه
والحـظ الاقشـر كــل مـاقـام طـاحـي=مــدري عـلامـه كــل شــيٍ يـحـوسـه
حاولت ابا انجح مير صعب النجاحي=والوقـت ماقـصـر عطـانـي دروســه
وانا مـع اهـل العـرف رجـال قاحـي=حتـى الخطـر باقـدام رجلـيّ ادوســه
ويـالآدمـي دنـيــاك هـــذي كـفـاحـي=واللـي جلـس فيهـا مايبطـي جلـوسـه
ومافات مات وصعب يرجـع مراحـي=وذكـر الحـيـا مايجيـبـه ألا عسـوسـه
اشفـق علـى خـوة ارجــال الفـلاحـي=الـلـي خوافـيـهـا علـيـهـا الـحـروسـه
وابعد عن مخاوى الوجيـه الشحاحـي=اللـي علـى الاجـواد عـلـه و سـوسـه
وهذي هـي الدنيـا خـراب وصلاحـي=لابــد مالـريـس يـجـي مــن يـروسـه

الشاعر/ ناصر الشويلعي

[الهنوف]

ولا ياوقتي القاسي ولا ياقلبي المهموم= ولا ياصبري الطايل ولا ياغربه سنيني
ولا ياحظي العاثر ولا يافرحي المعدوم=ولا ياجرحي اللي ساكن(ن) داخل شرايني
ترافقنا على الدنيا تعاهدنا على المقسوم= تخاوينا على درب(ن) عليه اليوم ماشيني
تعايشنا على الحسرة تعودنا على المشئوم=تمنينا ولو مرة نحس إنا سعيديني
تساهرنا على ليل الشقاء الي دايم(ن)مغموم= ونسأل ليش دايم ياملا حنا حزينيني ؟؟
زماني صار لي ظالم وانا حالي كما المظلوم=يعاملني بقسوة تجرح احساسي وتبكيني
يفرحني مدى ساعة ويحزني طوال اليوم=يشرقبي يغربني يضايقني يجافيني
يسهر عيني اللي صار تجفاها طراة النوم=يحير فكري اللي منشغل لأجله ومشقيني
وانا ماني كما منهي تعيش بحلمها الموهوم=ولااطاوع هوى نفس(ن) هي أول من يعاديني
تطاوعها وتعرضها علىاقشر درب وادنا سوم= تلاعب في مشاعرها ومغويها ردييني
انا والله عزيزة نفس حره بنت قوم قروم=تفاخر بي رجال(ن) بالوفا و الطيب ماضيني
ولي مبدأ ولي عزه ولي نظرة ولي مفهوم= ولي فكرٍِ يميزني مع شموخٍ مخاويني
ولا ضاقت معي ناديت بأسم الواحدالقيوم=عظيم الشان رب الكون خالقني ومحييني
هوالخالق عظيم الشان اصلي للولي واصوم=موكلته على امري خالقي ذكره يداويني
يفرج همي وصبري ويسعد قلبي المحروم=ويعوضني على ماراح لي في ماضي سنيني

قصيدة وقتي القاسي

للشاعرة النادرة

[جـــــروح بارده]

مقدر اروح استقبله يابو راكان = خايف مع اهله احضنه دون لدري
والا احس بنظرته حيل ولهان = وجيب يوم العيد والعيد بدري
والا اتذكر كل ماقال عطشان = لاصار ماحطيت (.......) بصدري
هذاك له مني وفاء طول الازمان = وهو بعد حافظ وصالي وقدري
هذاك لو استقبله يابو راكان = ضحيت قبل العيد والعيد بدري

للشا عــــــــر جـــــروح بارده

[بندر الذيابي]

راسـك علامـك رافعـه يــوم أحاكـيـك=الظاهـر إنـي فـوق حجـمـك عطيـتـك
لحظـه نبـي نرجـع دقيـقـه لماضـيـك=بــذكــرك فــــي أي حــالــه لـقـيـتـك
كــان الضـيـاع ودمعـتـيـن تـخـاويـك=منهـار وفـي عــز إنهـيـارك خذيـتـك
وأرخصت عمري لجل أحبك وأداريك=هـدمـت قـصـر الــذل فـيـك وبنـيـتـك
كــان الـغـلا شـمـعـه تـنــور ليـالـيـك=لوأظلـمـت دنـيـاك جـيـت وحتـويـتـك
ياللأسـف كنـت أمدحـك وأفتخـر فيـك=رفعـت مــن شـانـك وعلـيـت صيـتـك
كنت أنت عنـدي غيـر مـا أقدرأخليـك=أمـوت وأحيـا إن قلـت ســم وفديـتـك
واليـوم أشوفـك خنـت حتـى مبـاديـك=صغرت في عينـي وأنـا اللـي هويتـك
الضـيـف لــو إنـــه عـــدو مـعـاديـك=غـصـب علـيـك تـقـدره وســط بيـتـك
ياصاحـبـي بتـمـوت مـانـي براجـيـك=وإشـره علـي إن كـان حتـى طريـتـك
لاصـار ذل النفـس فـي قـلـب يغلـيـك=يلـعـنـك يـاقـلـب عـشـقـك وشـريـتـك
إضـحـك حبيـبـي دام وقـتـك مسلـيـك=بـاكـر تـمـوت مــن القـهـر لانسيـتـك

للشاعر / متعب التركي

[فيصل الرشيدي]

أدخل على الله وأسلم الأمر تسليـم = أستغفـره وأستذكـره وأستميحـه
وضح النوايا والمسـاري مجاهيـم = والحلم غالـي والليالـي شحيحـه
سـادت مفاهيـم وبـادت مفاهيـم = ويح الزمن يابنت الأجـواد ويحـه
خلي علـوم ممسسيـن المرازيـم = واخذي علوم مصمصمين القريحـه
حنا طنايا عبـس يامذيـر الريـم = حنـا مقابيـس الوغـى يامليحـه
حنا سلايـل قاسـم الخيـل ودليـم = فزعاتنـا يـوم المكايـد رجيحـه
بدو حفايا مـا انصفتنـا المقاسيـم = وبصدورنا عـزٍ تطـارخ فحيحـه
نرعى رفيف البرق في ساقة الغيـم = ومن يستبيح حدودنـا مـا نبيحـه
وليا ترع في هرجته دفش وبهيـم = خطو الهبود الـي تكابـر فطيحـه
عن ساقط الهرجه نطـق الملاطيـم = ومن طاح فيها مارحمنـا مطيحـه
نكبر عن الطفسه ونجزع من الضيم = ونموت ما ناطا شليـل الفضيحـه
نزوم زومـات الرجـال المحاشيـم = ونهـد هـدات النمـور الجريحـه
ربـع علـى در المنايـا مفاطيـم = ومن هازنا زاغت عجوزه تصيحـه
أليـا تغشلينـا عسيـر الشغاميـم = لومك على الي ما يبرهـن مديحـه
وان لولشـن محشمـات الملاثيـم = والموت حثرب بالحناجـر ضبيحـه
جينا من اقصانـا سحـاب مراديـم = كل يذكـي حروتـه عـن نطيحـه
يازيـن دح قفوشنـا لـه ترانيـم = والعج واقـف والفعايـل صريحـه
كان المنايا سوقهـا مابعـد سيـم = والخوف برك بالقلـوب الكسيحـه
حنـا زباينهـا علـي المـلازيـم = علـم يقريـه النصيـح لنصيحـه
واللي بنـا بيتـه نبيـه ابراهيـم = إنا طريـق المستميـت لضريحـه
بني رشيد إن عتـم الجـو تعتيـم = ماللـردى فينـا ملامـح وليـحـه
خوينـا نقريـه عـزه وتحشـيـم = دخيلنا دونه عن المـوت صيحـه
يابنـت ماحنـا فقـارى معـاديـم = ولوماسكنـا بالقصـور الفسيحـه
تجار لو ما حاشـت يدينـا ملاليـم = مـن الغنـاه نفوسنـا مستريحـه
مانستضيـق اليـا لفونـا معازيـم = للضيف لو نذبـح حدينـا ذبيحـه
دايـم يدينـا للعطـايـا موالـيـم = لاخانـت الفزعـه وجيـه كحيلـه
طال القريض ومقبـل الودومقيـم = والبـال عيـا طارحـه لايزيـحـه
أقولها وأبصم على القـول تبصيـم = والعلم بين زايفـه مـن صحيحـه
ماهو قصور بالحـرار الصماصيـم = كل بـدرب العـز قدهـب ريحـه
مدحـي لربعـي مايـذم الأكاريـم = ولايستشـك الا خبيـث الشريحـه
الحق واضـح للرجـال المفاهيـم = والحقد يخرث بالنفـوس القبيحـه
والشر من جيت معزي وهـو نيـم = واليوم وحده والشريعـه سميحـه

الشاعر / مساعد بن ربيع الرشيدي

[بدر الحشية]

	من هجوس(ن)تغني الذوق عن بعض الهجوس=يعلم الله كنها اللول يوم نصبها كنها سراية البرق لاقامت تهوس=من يقول الله عليها نقول ابشربها القصايد مانساوم عليها بالفلوس=تفتخر فينا القصايد قبل نفخربها من خلقنا الله وحنا عزيزين النفوس=مانوطي شمخ الروس غير لربها ماردينا والليالي لها وجه(ن)عبوس=خل يوم(ن) الليالي سميح(ن)دربها لاجهرنا بالمسائل ندوس الراس دوس=والدسايس بارز العين مايجهر بها مانشدنا عن دنوع(ن) على الجرة يحوس=يحسب انه صار حاجة وهومن جنبها قدرنا عند النشاما مجرب ومحسوس =الرجال اللي على الدين مانبخل بها التجارب علمتنا وصمينا الدروس=نعرف النفس المريضة ونعرف طبها ينطفي سم الحيايا وهو تحت الضروس=يالله انك تختصرها على من شبها والبنـ....آدم لاتعافى على كفه يبوس =وش يبي باعلراض الاجواد يوم يسبها لا يحسب ان المراجل تجي درباي روؤس =ينتبه من جمرة النار لا يلعب بها

[العتيبي]

جيتك خوي الخوف في رحلة الذات=بـين الـرجا وظـروفي القاسياتي
جـيتك مـن الـفرقا كثير التلفات=جـيت انتحر في نجلك الناعساتي
جيتك مزيج جروح ودموع وأهات=نـديم لـعيون الاسـف والشماتي
جـيتك شظايا تشتعل شوق بسكات=ما ادري حزن مدري سعادة اسكاتي
جـيتك لـوانتي سابع المستحيلات=الـلي يـحبك يـصنع المعجزاتي
جـيت استجيرك من شمس المتهات=عـيت تـظللني تـحتها عباتي
وابـا أتـعفى عقب عذاب المعاناة=عـلى رصـيف اشواقك الدافياتي
تـلقفيني مـن ايـدين الـتشتات=صـيري بحلاة الروح قارب نجاتي
هـلى غـلا يمحى كدر كل مافات=يـامزنت افـراحي ومـنبع هناتي