[ابوعبدالله الشويلعي]

سلام ياشاعر مسمى بشاعر المنتدى = شاعر من شعرائك يالقبيلة
له تحية من وسط القلب ممتدى = ودي اخذ من علومة الجزيلة

تقبلوا تحياتي أبو عبدالله الشويلعي

الموضوع الأصلي: معيوف ابن زهيميل ابيك الليله | | الكاتب: ابوعبدالله الشويلعي | | المصدر: شبكة بني عبس

[معيوف ابن زهيميل]

هلا وغلا ابو عبدالله الشويلعي،
ابو عبد الله أنا على موعد مع العمدة انتظره ، لاهنت وخيرها بغيره طال عمرك

[ابوعبدالله الشويلعي]

طيب وش رايك تلعب معي للين يجيك العمده للأنه ممكن يتأخر شوي







تقبلوا تحياتي أبو عبدالله الشويلعي

[معيوف ابن زهيميل]

ما فيه مشكل لكن ، خذ هالطاروق من عندي

يا مرحبا ياالمسلم وأعرب المبتدأ=كانك تبيها قواعد نادلي ابو نوح
الطيب ما يقابل إلا بطيب ماهو ردا= وانته على شأن طيبك ما نبيها تروح

[ابوعبدالله الشويلعي]

فيك البقاء يا صاحبي والخبر يجيء بعد المبتدأ = كانك ما تقدر للقواعد ابتعد وانا لك نصوح
الطيب طيب الاصحاب مهو طيب الأعدا = والطيب فيك له علامات بوضوح

تقبلوا تحياتي أبو عبدالله الشويلعي

[أنكسارحلم]

السلام عليكم الاخ ابو عبدالله طال عمرك عن اذنك ابا اكرف المطوع اشوي

اسمع اسمع

يابن زهيميل علمي معك تو ابتدا=ماعاد فيها مجامل والضماير تفوح
الطيب مايملكه من كان ضايع جدا=يالله عسى البرق فوق ابان الاحمر يلوح

[عابدالبراك]

هلا يابن زهيميل الحمد الله عل السلامه من العايدين وكل عام وانت بخير

[معيوف ابن زهيميل]

اقتباس من مشاركة ناصر الشويلعي السلام عليكم الاخ ابو عبدالله طال عمرك عن اذنك ابا اكرف المطوع اشوي اسمع اسمع يابن زهيميل علمي معك تو ابتدا=ماعاد فيها مجامل والضماير تفوح الطيب مايملكه من كان ضايع جدا=يالله عسى البرق فوق ابان الاحمر يلوح

استلم يا ناصر الشويلعي

يا ناصر أثرك تدخل لاسمعت الندا= وانا أحسب إنك بعيد ولاتشوف السروح
وراك ما تدل ناصر يوم ناصر غدا= خليت شايبك ضائع بين جد ومزوح