[ماجدالحربي]

اخواني اعضاء هذا المنتدى الشامخ بإداردته ومشرفيه واعضاءه وزواره
اضع بين ايديكم هذه القصيده للشاعر ملفي مقبول الرشيدي مسندها للشاعر عبدالعزيز المخلّفي الحربي
اتمنى ان تنال اعجابكم:

يابن سعد بالعين شفت المخيله=معها كتام وعج قافٍ مطرها
ومعها طيورٍ بالقشر مستشيله=ماعاد يعرف وجهها من ظهرها
دنياً مشاكلها عريضه طويله=امبينٍ بالوقت هذا خطرها
الصاحي العاقل يسمى هبيله=وفيها الرخوم امقدسه وتخبرها
يابن سعد راع العلوم الجزيله=على الشرف والعز تقطف ثمرها
من لابةٍ مثل الهضاب الطويله=مثل المزون إليا نشت من بحرها
حربي وقلنا والنعم من قبيله=على الشجاعه كل رجلٍ ذكرها
واللي بقلبه غل مات بغليله=طول الزمن عينه بقت في سهرها
وانته عريب الخال راع الجميله=احرص وخل العين يبعد نظرها
وش رايكم قلي اوشفيه حيله=إن كان به حيله نبا نختصرها
=الشاعر/ملفي مقبول الرشيدي

** رد الشاعر عبدالعزيزالحربي على الشاعر ملفي الرشيدي

يامرحبا ترحيب بحسن وسيله=ياشاعراً سيطر على القاف وارها
ملفي نظم قافه ويبغى مثيله=اسند علي ابيات شعرٍ صخرها
يشرحلي ظروف الزمان العليله=ويبغى جواب القصه اللي ذكرها
يسبر مزونٍ مقفيه مستحيله=وانا سبرت المزنه اللي سبرها
ياملفي اصبر فوق همٍ تشيله=قدام لانفسك تزيد بكدرها
اصبر وربك كل همٍ يزيله=موت السنه مقرون باخر شهرها
لاشك جيل اليوم ماينرجيله=ناسٍ بليا سلم وش تعتبرها
جيل الدعاره والخزا والرذيله=اللي على الحاجب تناثر شعرها
ناسٍ تحب المخزيه والفشيله=تتبع يهود الغرب وتقص اثرها
وقتٍ يشيب الراس من فعل جيله=قص المشاعر والظماير نجرها
شفت العميل اللي عدوه عميله=والماشي اللي سكته ماعبرها
ذيب الجبل جلاّه حصني نثيله=والبوم نكّر بالحرار وحشرها
والسكر الحالي غدا زنجبيله=باسباب ناسٍ ضحكها من قشرها
بياعة المهره بقيمة حسيله=حتى ابلها راحت بقيمة بقرها
هذا الكلام اللي ثبتلي دليله=والرجل لاشانت علومه قصرها
ياملفي اترك كل كف وحصيله=سر الجنازه يعرفه من قبرها
انته موثّق بالعروق الاصيله=اولاد عبس اللي وسيعه ديرها
بالطيب والمعروف ماهي بخيله=تبن البيوت الشامخه وتعمرها
اسلم يابن مقبول عن كل ميله=والمعذره وانت الرجال اتعذرها
=الشاعر/عبدالعزيزالحربي

الموضوع الأصلي: ملفي الرشيدي وعبدالعزيز الحربي | | الكاتب: ماجدالحربي | | المصدر: شبكة بني عبس

[سايق الدنا]

صح لسان الشاعر الرشيدى وصح لسان الشاعر الحربى

صوت وصدى

قصايد جزله من شعراء جزلين

تسلم على نقلك وذوقك بنتظار جديدك

احترامى وتقديرى

[ماجدالحربي]

اقتباس من مشاركة سايق الدنا صح لسان الشاعر الرشيدى وصح لسان الشاعر الحربى صوت وصدى قصايد جزله من شعراء جزلين تسلم على نقلك وذوقك بنتظار جديدك احترامى وتقديرى

لاهنت يالغالي
تشرفت بمرورك الرائع

[عبدالعزيزعلي]

عبدالعزيز+ملفي

صحت السنتكم شعراء بمعنى الكلمه

وقصايد في منتهى الروعه



يعطيكم العافيه


اخوكم
عبدالعزيز

[عبد العزيز]

صح لسان الشعراء

وبيض الله وجهك ياماجد على طرحها

ننتظر جديدك الجزل

[صالح مخلف المظيبري]

صح لسان الشعراء
ومشكوررر على النقل
ولك تحياتي

[ماجدالحربي]

اقتباس من مشاركة ابو جلوي عبدالعزيز+ملفي صحت السنتكم شعراء بمعنى الكلمه وقصايد في منتهى الروعه يعطيكم العافيه اخوكم عبدالعزيز

شرفتني بمرورك الرائعه اخوي عبدالعزيز
لاهنت

[ماجدالحربي]

اقتباس من مشاركة عبدالعـزيز صح لسان الشعراء وبيض الله وجهك ياماجد على طرحها ننتظر جديدك الجزل

ووجهك ابيض اخوي عبدالعزيز
عطرت صفحتي بمرورك الرائع
لاهنت