[م س الرشيدي]

ثنيان الرشيدي

نيابه عن سلايل عبس ارحبواكثر الترحاب= بعد يامرحبا صلوا على محمد رسول الله
ترى راشد براس العود والمري براس الناب = ودارن تحت حكم الفيصلي ماهي بمحتله

راشد السحيمي

يدوم ابك البقاء يالصاحب اللي ماقفلت الباب= ليا منك قفلت الباب قدمي يعتبر ذله
ياشاعر عبس ابشركم برمحن مثل رمح ذياب= اتحذركم عن الميله واحذركم عن الزله

ثنيان الرشيدي

والا ياحرب ياللي تكرهون الذيب مثل الداب= اظن الليل خيم فوقكم والداب بالحله
صداقتنا قديمه وانت لاصادق ولا كذاب= نهار تداوي العله نهار تزود العله

راشد السحيمي

ذحبنا الداب وانته تلحقه ولكل شيء اسباب= ليا منك نسيت انشد مطير عيال عبدالله
....... ((ما هو واضح عندي بالشريط)).......... = ثنيان الرشيدي تالي ايامه يزول له

ثنيان الرشيدي

تقوله وانت ماعندك شهود ومقتفيك حساب= لو انك كنت صادق ليه دمعك دايم تهله
انا مادري وش اللي ضيعك في زحمة الاحساب= وانا خابرك رجالن تقص الدرب وتدله

راشد السحيمي

ياليتك تفترس شاعر سليم وتاخذ المشعاب= معك نص البلد وشويه يجيك البلد كله
انا ضيعتكم ياصاحبي في زحمة الركاب= ماغير ابحث عنه وسط الزوايا واتعين له

ثنيان الرشيدي

انا سيفي من اول يالسحيمي يقطع الارقاب= وش اللي يحرجك لا تفتل الاشناب في ظله
انا بلشان في ناسن يقولون النبي نصاب = وناسن يعبدون الفلس ناسن مالها مله

راشد السحيمي

تعلميني بسيفك يوم سيفك كان فيه نصاب= لكن اليوم سيفك يالرشيدي ويش حاصل له
رسول الله تكلم به يهودي واليهود كلاب= لكنك لا سمعت الهرج واجد لا تطبل له

ثنيان الرشيدي

طلبتك لا تخلي سالفتنا شب ياشباب= تجيك من السماء كل النجوم البيض منصلله
رسول الله تكلم به يهودي وانت حظنك غاب= يابو سيفن تحدونه على الفنجال والدله

راشد السحيمي

انا تنزل عليك نجوم مير انته عليك شهاب= بدون قصور لا تبرك لحملن ماتحمل له
يعاتبي على غلطه يايزن معاتب الاحباب = يقول انته تعمدت الخطيه قلت له لله

ثنيان الرشيدي

بعد ماضاق صدرك والبحر موجه ماهو بتراب = الا ياليت لك بطنن كبير وتشربه كله
تبسم يالسحيمي بالثنايا والطبوع غراب= ((ما باقي غير فرضن واحد يكتمل صله))

ماسمعته زين
راشد السحيمي

انا ماضاق صدري وانت ريشك في جناح غراب = على قول المثل سواح لا مذهب ولا مله

الموضوع الأصلي: مليوني برتبه امبراطور يشعل ساحة المحاورة بالمدينة المنورة | | الكاتب: م س الرشيدي | | المصدر: شبكة بني عبس

[أبــو نــاصــر]

انشهد انها ليلتآ زينه حضرة العرس وحضرة

المسيه الي مع عبدالرحمان الشمري


بيض الله وجهك يالرشيدي على انقل

ولااااهنت يالغالي

[هديان الرشيدي]

شكرأأأأأأأأأأأأأأأأأأ الاخ م س الرشيدي ونطلب باقي الطوريق وخصوصا سالم وثنيان

[حميد السجايا]

الامبراطور ثنيان الرشيدي يأتينا بإبدعاته في ميادين المحاوره ، وهذا الذي انتظرناه بعد غيابه بسبب مشاركته في شاعر المليون ، كم تمنيت ان احضر هذه المحاوره الناريه
لشاعر عبس ثنيان سرور ولكن القادمات أكثر ..... وفقـكــ الله يابو سرور...